मकवानपुरका बिर्खे अञ्जान सहित ५ स्रष्टा  सर्लाहीमा सम्मानित हुदै 

ओम कार्की स्मृति साहित्य प्रतिष्ठानद्धरा आयोजित २० औं स्मृति दिवसका अवसरमा  यहीँ बैशाख १९ गते बागमती नगरपालिका स्थित राजघाटमा प्रा. डा. भीम खतिवडाको प्रमुख आतिथ्यतामा बिशेष साहित्य समारोह आयोजना गर्ने भएको छ ।
माओवादी द्वन्दका कारण वि स २०५६ साल बैशाख १९ गते गते प्रहरी सेवामा कार्यरत ओम कार्कीले सहादत प्राप्त गरेका थिए । उहाँलाई भर्खरै ओली सरकारले सहिद घोषणा गरे लगत्तै प्रतिष्ठानले उनको सम्मानमा उक्त कार्यक्रम आयोजना गर्न लागेको अध्यक्ष अम्बिका कार्कीले बताउँनु भयो ।

कार्यक्रममा सहिद ओम कार्कीको ब्यक्तित्व बारे चर्चा गर्दै साहित्यका क्षेत्रमा योगदान पुर्याउँनुहुने विशिष्ट ब्यक्तिहरूलाई सम्मानित गर्ने योजना समेत रहेको छ । सम्मानित स्रष्टाहरूमा मकवानपुरका समालोचक बिर्खे अञ्जान, सुनसरी धरानका प्रा.डा. भीम खतिवडा ,काठमाडौंका कलानिधि दहाल ,चितवनका पुष्प अधिकारी अञ्जली र रौतहटका हरिकृष्ण काफ्ले रहेका छन् ।
उक्त कार्यक्रममा प्रमुख वाचकका रूपमा बर्तमान समयका चर्चित स्रष्टाहरूलाई पनि आमन्त्रण गरिएको छ । जस अन्तर्गत दाङका वसन्त वली वसन्ती,बर्दियाका पृथक हिमाल वली ,स्याङ्जाका मिलन समीर,सुर्खेतकि नारी हस्ताक्षर शिवा कार्की र मोरङकी सन्ध्या सापकोटालाई छनोट गरिएको छ । सहिदको सम्मानमा हुन लागेको यो कार्यक्रमले भाषा ,साहित्य र कला क्षेत्रको बिकासका निम्ति कोसेढुङ्गा सावित हुने धारणा आयोजकको छ।