पालुङ क्याम्पसमा साहित्यिक कार्यक्रम सम्पन्न
सिम्रन भईन प्रथम

थाहा नगरपालिका–३, खेल्पुडांडा स्थित उत्तरी मकवानपुरको एक मात्र क्याम्पस पालुङ बहुमुखी क्याम्पसमा प्रजातन्त्र दिवशको उपलक्ष्यमा आईतबार बिहान कविता गोष्ठि सम्पन्न भएको छ ।
   पालुङ बहुमुखी क्याम्पसको बार्षिक क्यालेण्डर अनुसार स्वतन्त्र विद्यार्थी युनियनले आयोजना गरेको कार्यक्रममा पालुङ बहुमुखी क्याम्पसका प्रमुख रामहरि अधिकारीको प्रमुख आतिथ्यता एवम् स्वतन्त्र विद्यार्थी युनियन पालुङ क्याम्पसका सभापति मुकेश गोलेको सभाध्यक्षतामा कार्यक्रम भएका हो ।
   कार्यक्रममा सहभागी विद्यार्थीहरुले आ–आफ्नो रचना बाचन गरेर थिए । मानविकि संकाय प्रथम वर्षका सिम्रन खड्का कविता गोष्ठिमा प्रथम भएकी छिन् । त्यसैगरि व्यवस्थापन संकाय द्वितीय वर्षका शिवानी विश्वकर्मा द्वितीय र व्यवस्थापन संकाय तृतीय वर्षका संजिता गोपाली तृतीय भएका छन् ।
    त्यसैगरि व्यवस्थापन संकाय तृतीय वर्षका मञ्जरी बलामी, सोही वर्षका पार्वती विडारी र मानविकि संकाय प्रथम वर्षका सिर्जना पाठकले सान्तव सात्वना पुरस्कार जितेका छन् । सप्राध्यापक राजन मिश्रले स्वागत मन्तव्य सहित सुरुभएको कार्यक्रममा क्याम्पसका सप्राध्यापक तोयानाथ काफ्ले र विजय बाबु बस्नेतले निर्णयको भूमिका निर्वाह गरेका थिए भने कार्यक्रमको सञ्चालन  सप्राध्यापक सन्तोष हमालले गर्नु भएको थियो ।
   विद्यार्थीलाई सधै पढाईमा मात्र लाग्न नभई साहित्यिक क्षेत्रमा समेत रुचि बढ्ने उद्देश्यले कार्यक्रमको आयोजना गरिएको क्याम्पसले जनाएको छ । क्याम्पसमा यस्ता गतिविधि गरिरहने र त्यसको लागि विद्यार्थीको सहभायिता हुनुपर्ने प्रमुख अधिकारीले बताउनु भएको छ । प्रमुख अधिकारीले विद्यार्थीहरुको रचना आफुलाई साहै राम्रो लागेको भन्दै प्रशंशा गर्नु भएको थियो । कार्यक्रममा अध्यक्ष तथा स्ववियू सभापति मुकेश गोलेले कार्यक्रममा सहभागिता जनाउने सबैलाई बिशेष धन्यवाद सहित कार्यक्रम समान गर्नु भएको थियो । सभापति गोलेले पालुङ क्याम्पसमा शैक्षिक गतिविधि स“गै अन्य मनोरञ्जनात्मक तर सन्देशमुलक, सचेतनामुलक गतिविधि गर्दाै आइरहेको र आगामी दिनमा पनि क्याम्पसको अतिरिक्त क्रियाकलाप तथा शैक्षिक बिकासमा  लागि पर्ने प्रतिवद्घता व्यक्त गर्नु भएको थियो  । विजेता विद्यार्थी तथा सान्त्वना विद्यार्थीहरुलाई प्रमुख अतिथि तथा सभापतिले पुरस्कार वितरण गर्नु भएको थियो ।