थाहाका साहित्यकार बिर्खे अन्जानको तेस्रो कृति “कठघरामा देश” प्रकाशनको तयारी

राष्ट्रिय तथा अन्तर्राष्ट्रिय क्षेत्रमा आफ्नो सबल उपस्थिति जनाउँदै थाहा नगरपालिकाको गरिमालाई उच्च बनाउँन क्रियाशील बिर्खे अञ्जानको प्रकाशनको चरणमा रहेको  “कठघरामा देश” मुक्तक सङ्ग्रह हो ।

नेपाली साहित्य क्षेत्रमा आफ्नो पृथक अस्तित्व र राष्ट्रिय पहिचान निर्माण गरिसक्नु भएका थाहा नगरका कवि तथा समालोचक बिर्खे अञ्जानको तेस्रो कृति “कठघरामा देश” प्रकाशनको  तयारी पुरा भएको छ । हाल विद्यमान कोरोना कहर र राष्ट्रले जारी गरेको लकडाउनको कारण निर्धारित समयमा सार्वजनिक गर्न नसकिएको उक्त कृति सहज परिस्थितिको प्रतिक्षामा रहेको साहित्यकार अन्जानले बताउनु भयो ।

 
कविता लेखनमा बिम्ब र विचारको खरो प्रस्तुतिकरण गर्ने क्षमता निर्माण गरेका अञ्जानको यश अघि “अवसान सपना” कविता सङ्ग्रह २०७२ सालमा प्रकाशित भैसकेको छ भने मकवानपुर जिल्लामै पहिलो समालोचना कृति प्रकाशन गरि आफ्नो कृतिमान कायम राख्न सफल “शल्यक्रिया” नामक समालोचना ग्रन्थ पनि सोही सालमा प्रकाशन भएको थियो ।

राष्ट्रिय तथा अन्तर्राष्ट्रिय क्षेत्रमा आफ्नो सबल उपस्थिति जनाउँदै थाहा नगरपालिकाको गरिमालाई उच्च बनाउँन क्रियाशील बिर्खे अञ्जानको प्रकाशनको चरणमा रहेको  “कठघरामा देश” मुक्तक सङ्ग्रह हो ।

काल चेतना , युग चेतना र समय चेतनाका विविध स्वर र शैली उक्त कृतिमा पढ्न पाइने छ ।नेपालमै पहिलो पटक मुक्तक विधामै विद्यावारिधि गर्नुहुने डा।मुरारी पराजुलीको भूमिका , प्रा.डा भीम खतिवडाको विशेष मन्तव्य रहेको उक्त कृतिमा डा । नवराज लम्साल ,डा। घनश्याम परिश्रमी  र , डा। रेणुका सोलुको शुभकामना लेखन समाविष्ट छ।  १४४ पेज रहेको उक्त कृतिमा १०१ वटा मुक्तकहरू समावेश गरिएको छ ।
पालुङ साहित्य परिषदको प्रकाशन तथा थाहा कला केन्द्रको सहकार्यमा “कठघरामा देश”  मुक्तक संग्रह प्रकाशन हुने भएको हो ।