थाहाका बिर्खे अञ्जान राष्ट्रिय खुल्ला प्रतियोगितामा बिजयी

कोशी साहित्यिक प्रतिष्ठान नेपाल बिराटनगर द्वारा आयोजित राष्ट्रिय खुल्ला कविता प्रतियोगिता २०७९ मा थाहा नगरका बिर्खे अञ्जानले  दोस्रो स्थान हासिल गर्नु भएको छ।मकवानपुर जिल्लाको उत्तरी क्षेत्रमा बसोबास गर्नुहुने अञ्जान नेपाली भाषा , साहित्यमा निरन्तर साधनारत स्रष्टा  हुन् । उहाँको अवसान सपना कविता सङ्ग्रह २०७२ , शल्यक्रिया समालोचना सङ्ग्रह २०७२ एकल कृति प्रकाशित भैसकेको छ भने अन्य आधा दर्जन संयुक्त किताब बजारमा आइसकेको छ।खोज अनुसन्धानमा पनि चासो राख्नु हुने अञ्जानको मकवानपुर जिल्लाको काव्य अध्ययन र अवलोकन प्रकाशोन्मुख अवस्थामा छ। झोराहट नाट्य घरका अध्यक्ष भरत गुराँगाईले संयोजन गर्नुभएको प्रतियोगितामा देशभरको वाचनका लागि  छनोटमा ५० कविहरूको उपस्थिति थियोे ।प्रथम द्वितीय तृतीय चौध र पाँचौ स्थानमा पर्नु भएका कविहरूलाई क्रमशः १२००० , १००००, ७००० र २५०० नगद सहित प्रमाणपत्रको व्यवस्था थियो भने निर्णायक मण्डलको प्रमुखमा प्राज्ञ विवश पोखरेल हुनुहुन्छ ।सो प्रतियोगितामा क्रमशः शकुन्तला मञ्जरी प्रथम , बिर्खे अञ्जान द्वितीय , कविता घिमिरे तृतीय , प्रचुर अभाव र तारा पराजुली ढाका चौध र पाँचौ स्थान हासिल गरि पुरस्कृत हुनुभएको थियो ।