थाहाका कवि बिर्खे अञ्जान भारतकाे अासाममा सम्मानित

छिमेकी राष्ट्र भारतको असाम राज्य स्थित दुनियाजान कला - साहित्य मञ्चद्वारा आयोजित अन्तर्राष्ट्रिय साहित्य सम्मेलन यही मार्च ३१ र अप्रिल १ मा दुई दिने  बृहत् कवि सम्मेलन सम्पन्न भयो । नेपाल , म्यानमार र भारतको विभिन्न प्रान्तबाट सहभागीता भएको उक्त कार्यक्रममा नेपाली भाषा, कला, साहित्य र सँस्कृतीमा लामो समयदेखि लाग्नु भएका साहित्यकारहरूको उल्लेख्निय सहभागीता रहेको थियोे । उक्त कार्यक्रममा नेपालका तर्फबाट दाङ, चितवन , नवलपरासी , पर्वत र मकवानपुरका साहित्यकारहरूको प्रतिनिधित्व थियो । नेपाली भाषा, साहित्यका क्षेत्रमा योगदान पुर्याउनु भएका दाङका छवि किरण वली, नवलपरासीका सदानन्द अभागी, लोकराज खराल, चितवनका गोर्खे साइलो, केशवराज आमोदी, मिरा तिमल्सिना , पर्वतका शान्तिनारायण श्रेष्ठ , डि आर शर्मा र मकवानपुरका बिर्खे अञ्जानलाइ सँस्थाले सम्मानित गरेको थियो उत्तरी मकवानपुरमा बसेर सँस्थागत साहित्यको बिकासमा सक्रिय कवि अञ्जानका शल्यक्रिया समालोचना ग्रन्थ र अवसान सपना कविता सङ्ग्रह प्रकाशित छन । नेपाली मुलका, भारतमा बसोबास गर्ने साहित्यकारहरूद्वारा स्थापना भएको सो सँस्थाले भारतमा नयाँ तरङ्ग पैदा गरेको सहभागीलाईहरूले जनाए ।सोही कार्यक्रममा दुलियाजान कला साहित्य मञ्चबाट प्रकाशनहुदै आएको साहित्य पत्रिका अभिब्यक्तिको रजत अङ्क, टिकाराम ढुङ्गेल रटनद्वारा लिखित आधा दर्जन कृतिको एक साथ बिमोचन समेत भएको थियो । दुई सत्रमा बिभाजित कार्यक्रमको पहिलो चरणमा असामको पर्यटकीय क्षेत्र ,धार्मिक स्थल र अौधोगिक नगरीको अबलोकन भ्रमण गराइएको थियोे भने दोस्रो चरणमा कविता वाचन, स्रष्टा सम्मान र साँस्कृतिक कार्यक्रम आयोजना गरिएको थियो ।