‘रुपचन्द्र बिष्ट ब्यक्ति होईन, बिचार हो’ नगर प्रमुख बिष्ट
रुपचन्द्र बिष्टका २२ औं स्मृति दिवस

 रुपचन्द्र बिष्ट ब्यक्ति नभएर बिचार भएको थाहा नगरपालिकाका प्रमुख लबशेर बिष्टले बताउनुभयो । सोमबार रुपचन्द्र बिष्टका २२ औं स्मृति दिवसको अवसरमा विकासघर शिखरकोटमा आयोजना गरिएको स्मृति सभामा बोल्दै प्रमुख बिष्टले रुपचन्द्रको सपना साकार पार्न सबै नगरबासीहरु लागिपर्नुपर्ने बताउनुभयो । कार्यक्रममा थाहा नगरपालिकाका उपप्रमुख खड्ग बहादुर गोपालीले थाहा नगरपालिकाको विकासमा रुपचन्द्र बिष्टको महत्वपूर्ण भूमिका रहेको बताउलुभयो । त्यस्तै समाजसेवी ज्योति रायमाझीले थाहा आन्दोलन अजर अमर आन्दोलन भएको र यसमा सबै नागरिकलाई सरिक गराउन अनुरोध गनुएभयो ।

कर्यक्रममा जनकाल्याण माबिका प्रधानाध्यापक सानोभाई कार्कीले थाहा दर्शन साझा दर्शन भएकोले यसलाई ब्यपक बनाउन आवश्यक रहेको बताउनुभयो । स्मृतिसभामा नेकपा माओवादी केन्द्र थाहा नगर अध्यक्ष अरुण रायमाझी, जनता समाजवादीका नेता ईन्द्र बहादुर श्रेष्ठ, नेपाली कांग्रेसका नेता भरत गोपाली, राप्रपा नेपालका थाहा नगर अध्यक्ष नविन रायमाझी, थाहा ३ का वडा अध्यक्ष राजेश के.सी., रुपचन्द्र बिष्ट स्मारक समितिका अध्यक्ष बिमल कुमार बिष्ट दामन एफ.एम. का स्टेसन मेनेजर ईच्छापूर्ण कार्की लगायतको उपस्थिति रहेको थियो । सोही अवसरमा थाहा नगरपालिका स्थित विकास घर परिसरमा रहेको बिष्टको शालिकमा माल्यार्पण समेत गरिएको छ । थाहा नगरपालिका सामाजिक विकास शाखा प्रमुख अनिल लामिछानेले सञ्चालन गनुभएको कार्यक्रममा यादव जंग रायमाझीले स्वागत मन्तब्य ब्यक्त गर्नुभएको थियो ।