६६ औं सहकारी दिवस:-लघुबित्तमा देखियको समस्यालाई सहकारीमा नजोडौं : सहकारीकर्मी,

सहकारीको दिगोपनः स्वनियमन र सुशासन’ भन्ने ६६ औं सहकारी दिवसकोक मुल थिमलाई सार्थक हुनेगरी सहकारीका समसामयिक मुद्दाहरुलाई समेत उजागर गरी ६६ औं सहकारी दिवस थाहा नगरमा छलफल कार्यक्रमको आयोजना गरि मनाइएको छ।
पालुङ बहुउद्देश्यीय सहकारी संस्था लिमिटेडको आयोजनामा संस्थाको सभाहलमा उक्त कार्यक्रमको आयोजना गरियको हो।
विश्वव्यापी आर्थिक मन्दीको प्रभावले विगत लामो समयदेखि नेपालमा पनि उद्योग व्यवसायहरूको कारोबारमा संकुचन, बैंक, वित्तिय संस्था तथा सहकारी क्षेत्रमा तरलताको अभाव, चर्को मूल्यवृद्धि लगायतका कारणले नागरिकहरू मर्माहत भएका छन् । वर्तमान संकटमा समेत कति पनि विचलित नभई सहकारीमा सदस्यको बचतको सुरक्षाका लागि जिम्मेवार र प्रतिबद्ध रहेको सन्देश प्रवाहित हुने गरि तथा अभियानका तर्फबाट राखिएका मागहरूमा सम्बन्धित निकायको ध्यानाकर्षण हुने गरि नगरभित्र रहेका  सम्पूर्ण सहकारीकर्मीहरूको एउटै आवाज र छलफल सहित राष्ट्रिय सहकारी दिवस मनायको संस्थाका अध्यक्ष तथा बरिस्ठ चार्टर एकाउन्टेन्ट उमेश ढकालले बताए । 
कार्यक्रममा ढकालले सहकारीकर्मी हरुले सहकारीलाइ पार्ट टाइम समय दिने गरेकोले पनि समस्या रहेको बताउदै सहकारीको स्वनियम र सुसासनलाइ आत्मसात गरि संचालन गरेमा मात्र दिगोपना हुने बताउनुभयो साथै वहाँले लघुबित्तमा देखियको राष्ट्रिय समस्यालाई सहकारीमा जोड्न नमिल्ने तर्क गर्नुभयो।
ढकालले सहकारी हरुले राष्ट्र बैंकको सुचक लाई मानी संचालक हरुलाइ ऋण प्रवाह गर्न नहुने धारणा राख्नुभयो। 
छलफल कार्यक्रममा शिखर बचत तथा ऋण सहकारी संस्थाका अध्यक्ष मनोज रायमाझीले सहकारीको स्वनियमको लागि नियमक निकाय स्थानिय तहलाई नियमन गर्ने अधिकार दिय उपयुक्त हुने धारणा राख्दै 
"वर्तमान अवस्थामा सहकारी संचालनको अवसर र चुनौती "विषयक कार्यपत्र प्रस्तुत गर्दै नेपालमा सहकारीको अवस्था र यसका अवसरहरुको बारेमा सहजीकरण गरेका थिय।
थाहा नगर भित्र रहेका सहकारी संस्थाका अध्यक्ष ,व्यवस्थापक तथा संचालक समिती सदस्यहरुको सहभागिता रहेको छलफल कार्यक्रममा सहभागीहरुले थाहा नगरपालिका भित्र रहेका सहकारीहरुको संजाल गठन गर्नुपर्ने तथा एक आपसमा बित्तिय सुचना आदानप्रदान गर्दै सहकारीमा आवद्ध संचालक समिती र सदस्यहरुले आचारसंहिता बनाइ आफै स्वनियन्त्रीतभै जथाभावी कर्जा प्रवाहमा अंकुस लगाउनुपर्नेमा जोड दियका थिय।
वि.सं. २०१३ साल चैत्र २० गते चितवनमा बखानपुर ऋण सहकारी समिति स्थापना भएको दिनलाई स्मरण गर्दै नेपालको सहकारी अभियानले उक्त दिन विविध कार्यक्रम गरि सहकारी दिवस मनाउने गरेका छन् ।