३३ के.भि. लाईन नबनेसम्म उत्तरी मकवानपुरकमा बत्तीको समस्या समाधान हुदैन : पालुङ वितरण केन्द्र 

उत्तरी मकवानपुरमा बत्ती झ्याप्प निभ्यो र पालुङ वितरण केन्द्रको नो लाईन नम्बरमा फोन गरेर बुझ्यो भने सधै आउने रेडिमेड जवाफ हो बत्ती धोर्सिङ्गमा गयो । 
वत्ती अनियमित भयो भनि कार्यालयमा सम्पर्क गर्दा आउने जवाफ हो लाईन लामो छ भौगोलिक विकट छ मार्खु सब–स्टेशन बनेपछि मात्र समस्या समाधान हुन्छ । 
यस्तै जवाफ आएको सुनिएको एक दशक वित्यो । यो अवधीमा धेरै कार्यालय प्रमुख फेरिए तर  आज सम्म न त मार्खु सब–स्टेशन चल्यो न त लाईन छोटियो  समस्या जस्ताको तस्तै छ ।  
मार्खुमा निर्माण भएको सब स्टेशनमा ३३ के.भि. लाईन नआए सम्म उत्तरी मकवानपुरमा वत्ती जाने समस्या नरोकिने पालुङ वितरण केन्द्रले जनाएको छ ।  
मार्खुमा सब स्टेशन बनेपनि मातातिर्थबाट मार्खु सम्म ३३ के.भि. लाईन निर्माण नहुँदा स स्टेशन पुर्णरुपमा सन्चालनमा आएको छैन । 

मार्खु सम्म ३३ के.भि. लाईन नआउदा  थाहाको फाँटमा बन्ने भनिएको सब–स्टेशन र मार्खु पालुङ ३३ के.भि. लाईन पनि निर्माण हुन सकेको छैन । 
मार्खु र फेदिगाउ मा सबस्टेसन बनेर पुर्ण रुपमा संचालनमा नआउदा समम  थाहा नगरमा भैरहने बिजुली को समस्या समाधान नहुने पालुङ बितरण केन्द्र का प्रमुख बिरमान रास्कोटीले बताउनु भयो । । 

हाल को समस्या केही कम गर्न मार्खुको सबस्टेसन पुर्ण रुपमा सन्चालन हुन पर्छ तर संचालनकोलागि दक्ष प्राबिधिक कर्मचारीको अभाव रहेको बताउदै हाल मार्खुमा स्विचिङ्गको रुपमा मात्रै चलेकोले मातातिर्थ बाट ३३ के.भी. लाईन आएपछी मात्र मार्खु पुर्ण रुपमा सन्चालन हुने र हाल धोर्सिङ कै ११ हजार जोडेर स्विचिङ गरेको बताउनु भयो । । 
मार्खु सम्मको ३३ के भि लाईन निर्माण  गर्न काठमाडौ साईडमा वन ले रोकेको र  मकवानपुर साईडमा स्थानियको अभरोध को कारण काम सन्चालन मा ढिला भएको बताउदै मार्खु र फेदिगाउ को सबस्टेसन नै नगर लगाएत उत्तरी मकवानपुर को बत्तिको समस्या समाधान गर्ने अन्तिम बिकल्प रहेको बताउनु भयो ।