२५६३औ बुद्ध जयन्ती बहराइनमा आगामी मे २४ मा मनाउदै 

शान्तिका अग्रदुत भगवान गौतम बुद्धको २५६३ औं बुद्ध जयन्तिको अवसरमा नेपाल तामाङ घेदुङ बहराइनले मे २४ तारिखमा बहराइनको मानमास्थित ओरेण्टल होटल प्लाजामा बिहान ११ बजेदेखी बुद्ध जयन्ति समारोह भब्य रुपमा मनाउने भएको छ ।
एम.बि. तामाङ १८ मे मानमा बहराइन ( नेपाल तामाङ घेदुङ प्रवास शाखा बहराइनको आयोजनामा २५६३औ बुद्ध जयन्ती मनाउने भएको छ । गत मे ३ तारिख घेदुङ बहराइनका अध्यक्ष महेन्द्र तामाङ ज्युको अध्यक्षतामा मानमा स्थित ब्लुमुन रेस्टुरेन्टमा बसेको बैठकले यही आउदो मे २४ तारिख शुक्रबारका दिन ओरेनटल प्लाजा होटेल मानमा बहराइनमा बौद्ध धर्म अनुसार लामा गुरु बाट पाठ पुजा गरि भब्यताका साथ बुद्ध जयन्ती मनाउने निर्णय गरेको छ ।
 बुद्ध जयन्ती समारोहमा बौद्ध धर्म र तामाङ जातिको पहिचानमा आधारित विभिन्न तामाङ भेष भुषा ,बुद्ध माला , बुद्ध चित्तका ब्रासलेट लगायत विविध सामाग्रीहरु सहितको प्रदसन  पनि रहेकोे आयोजक घेदुङ बहराइनले जनाएको छ । कार्यक्रम मेन्दोमाया प्रेमी मेन्दोमाया टिमका सम्पुर्ण दाजुभाइ तथा दिदिबहिनीहरु पनि घेदुङ बहराइन सगै एकता गरि घेदुङ बहराइनको सास्कृतिक बिभागमा समेटेर जाने कार्यक्रम पनि रहेकोे छ । कलाकार रोम लामा र आर बि लामाको बेजोड सागितिक प्रस्तुति रहनेछ । कार्यक्रम स्थल सम्म आउन जानको लागि पनि निशुल्क गाडीको व्यवस्था समेत रहेकोे आयोजक घेदुङ ले जनाएको छ ।