हेलिकप्टर दुर्घटनामा पर्यटनमन्त्री रविन्द्र अधिकारी सहित ७ जनाको निधन

हेलिकप्टर दुर्घटनामा पर्यटनमन्त्री रविन्द्र अधिकारीसहित ७ जनाको निधन भएको पुष्टी भएको छ ।बुधबार मध्यान्हपछि ताप्लेजुङमा अवस्थित पाथिभरा मन्दीर दर्शन गरेर चुहान डाँडा एयरपोर्ट निरिक्षणका लागि जाँदै गर्दा दुर्घटनामा परेर मन्त्री अधिकारी सहित अध्यक्ष यति एयरलाइन्स आङछिरिङ शेर्पा, मन्त्री अधिकारीका पिएसो अर्जुनकुमार घिमिरे,  प्रधानमन्त्री कार्यालयका सल्लाहकार युवराज दाहाल, इन्जिनियर नेपाल नागरिक उड्न प्राधिकरण धुब्रदास भोछिभया, प्रभाकर केसी हेलिकप्टर क्याप्टेन र उपमहानिर्देशक नेपाल नागरिक उड्ययन प्राधिकरण वीरेन्द्रप्रसाद श्रेष्ठले ज्यान गुमाएको प्रहरी उच्च स्रोतले जनाएको छ । हेलिकोप्टरमा मन्त्री अधिकारी, डाइनेस्टी एयरका प्रमुखसहित ७ जना भएको र दुर्घटनाका विषयमा विमानस्थल कार्यालयले पनि पुष्टी गरेको छ । 

एक प्रहरी हबल्दारको नेतृत्वमा एक टोली भर्खरै घटनास्थल पुगेको बताइएको छ। घटनाबारे थप विवरण बिस्तारै प्राप्त हुने प्रहरी श्रोतले बताएको छ । घटनास्थलमा पानी परिरहेकको भएपनि प्रहरी त्यस स्थानमा पुगिसक्दा चिन्न नसक्ने अवस्थाबाट शव फेला पारेको स्रोतले ओएसनेपाललार्य जानकारी दियो । दुर्घटनाका विषयमा थप अनुसन्धान भइरहेका छ ।