हेटौँडामा अब यि स्थानमा पार्कािङ्ग नगर्नुहोस्  फन्दामा पर्नुहोला 

हेटौँडा उपमहानगरपालिका क्षेत्रमा पर्ने राष्ट्रिय राजमार्ग क्षेत्रमा अब पार्किङ गर्न नपाईएको भएको छ ।
जिल्ला प्रशासन कार्यालयमा भएको बैठकले हेटौँडाको मेनरोड, पिपलबोट, राप्तिरोड, कान्तिराजपथ सहित स्कुलरोडलाई समेत “नो पार्किङ” क्षेत्र बनाउने निर्णय गरेको हो ।

प्रमुख जिल्ला अधिकारी आस्मान तामाङ, जिल्ला प्रहरी कार्यालय प्रमुख बुद्धिराज गुरुङ, हेटौँडा उपमहानगरपालिकाका मेयर हरिबहादुर महत सहितको बैठकले “नो पार्किङ”को विषयमा निर्णय गरेको हो ।

बैठकको विषयमा जानकारी दिँदै मेयर महतले जिल्लाको ट्राफिक अवस्था अस्तब्यस्त बन्दै गएको र यसको प्रमुख कारण अब्यवस्थित पार्किङ समेत रहेको भन्दै बजार क्षेत्रलाई “नो पार्किङ” क्षेत्र बनाउने निर्णय गरेको हो ।

हेटौँडा उपमहानगरपालिकाले हेटौँडाको राप्तिरोडमा “नो पार्कीङ” क्षेत्रको सुरुवात गरेपछि सुरु भएको विवादबिच करिब एक महिनापछि आजको बैठकले यि क्षेत्रमा अब केहि दिनभित्रमानै “नो पार्किङ” बनाउने निर्णय गरेको हो ।

बैठकले पूर्व पश्चिम राजमार्ग अन्तर्गतको राप्तिपुलदेखि बुद्धचोक र वन विज्ञान अध्ययन संस्थानसम्म तथा त्रिभुवन राजपथको चौकिटोल ओरालोदेखि बुद्धचोकसम्म साना–ठूला सवारी साधन पार्किङलाई पूर्ण रुपमा बन्द गरिने निर्णय गरिएको छ । कान्ति लोकपथ क्षेत्रमा नो पार्किङ गर्नका लागि यथाशिघ्र विकल्प खोजी गरि व्यवस्थापन गर्ने निर्णय भएको मेयर महतले बताए ।

बैठकले राप्तिपुलदेखि बुद्धचोक क्षेत्रमा नो पार्किङ गर्ने सम्बन्धमा राप्तिरोडमा अवस्थित रक्त सञ्चार केन्द्रको दक्षिणपट्टिको खाली ठाउँ र बुद्धचोकको दक्षिणमा अवस्थित भिमसेन मिनि मार्केट क्षेत्रमा पार्किङ क्षेत्र तोकिने निर्णय भएको छ ।

त्यस्तै, चौकीटोल ओरालोदेखि बुद्धचोकसम्म दुई पाङ्ग्रे सवारी साधन पार्किङ हुँदै आएकोमा सो क्षेत्रलाई नो पार्किङ क्षेत्र घोषणा गरी पुरानो देवि सिनेमा हल रोड र पिपलबोटको भित्री रोडमा पार्किङ स्थल तोकी त्रिभुवन राजपथलाई नो पार्किङ घोषणा गरिने भएको छ । त्यस्तै बुद्धचोकदेखि फरेष्ट्रिसम्म नो पार्किङ क्षेत्र घोषणाका लागि सो क्षेत्रमा पार्किङ हुँदै आएका दुई पाङ्ग्रे तथा चार पाङ्ग्रे सवारी पार्किङलाई हटाई टिसिएनको खाली जग्गामा पार्किङको व्यवस्था मिलाईने बैठकमा निणर्य भएको छ ।