स्ववियु निर्वाचन :-पालुङ क्याम्पसमा फागुन १९ सम्म भर्ना हुनुपर्ने।

त्रिभुवन विश्वविद्यालय (त्रिवि)ले स्वतन्त्र विद्यार्थी युनियन (स्ववियु) निर्वाचनको मिति तोकेसँगै थाहा नगरपालिकामा रहेको एकमात्र बहुमुखी क्याम्पस पालुङ बहुमुखी क्याम्पस निर्वाचनको तयारीमा जुटेको छ।
क्याम्पसले सूचना जारी गर्दै त्रिभुवन बिश्वबिद्धालयले स्ववियु निर्वाचनको कार्यतालिका सार्वजनिक गरिसकेको र निर्वाचनमा भागलिनको लागि निर्वाचनको मिति चैत्र ५ अगावै १५ दिन अगाडि भर्ना प्रक्रिया रोक्ने हुदा फागुन १९ गते भित्र भर्ना गरिसक्न भनेको छ।
पालुङ बहुमुखी क्याम्पस पनि निर्वाचन प्रक्रियामा भाग लिन तयारी रहेको बताउदै क्याम्पस प्रमुख राजन मिश्रले भन्नुभयो लामो समयदेखि हुन नसकेको स्ववियु निर्वाचन गर्ने त्रिविको निर्णयको स्वागत गर्दर्छौ’, उनले भने, ‘अब हाम्रो क्याम्पस स्ववियु निर्वाचनको तयारीमा पूर्ण रूपमा लाग्छ।’

उनले लामो समयदेखि हुन नसकेको स्ववियु निर्वाचनले विद्यार्थीको हकअधिकार स्थापित गराउने बताए।
त्रिवि क्याम्पसमा एक दशकदेखि स्ववियु निर्वाचन हुन सकेको छैन। प्रत्येक दुईदुई वर्षमा हुने निर्वाचन २०६५ साल यता नियमित हुन सकेको छैन।

त्रिविमा ६२ आंगिक र एक हजार ४० सम्बन्धन प्राप्त क्याम्पस छन्। स्ववियु निर्वाचनमा २८ वर्ष उमेर हदबन्दी र मिश्रित निर्वाचन प्रणाली लागू गरिएको छ।