स्थानिय द्धारा चित्तलाङ थानकोट सडक सुचारु गराउन डिभिजन सडक काठमाण्डौंलाई ध्यानाकर्षण
ढुङ्गा बेच्ने ठेकेदारलाई कार्वाहि गर्न माग

थानकोट चित्तलाङ सडक (गणेशमान सिंह मार्ग) अविलम्ब खुलाउन स्थानियले माग गरेका छन् । ०७९ वैशाख १५ गते डिभिजन सडक कार्यालय नयाँ वानेश्वरलाई ज्ञापन पत्र बुझाउदै स्थानियले सडक खुलाउन लिखित माग गरेका हुन ।

ज्ञापन पत्रमा भनिएको छ” २०७०–०७१ सालमा डिपिआर तयार भै सडक विभागले छुट्टै सडक योजना कार्यालय स्थापना गरि सडक निर्माण भै रहेको अवगत गराउँदै त्रिभुवन राजपथको चेकपोष्टबाट २२.५ कि.मि. सडक विभिन्न प्याकेजमा ठेक्का पट्टा भै कार्य भै रहेको र थानकोट चित्तलाङ सिमाना चन्द्रागिरी भञ्ज्याङ देखि मकवानपुर तर्फको करिव १४ कि.मि. सडक विना विवाद सडक स्तरोन्नती भै कार्य भै रहेको तथा करिव ६ कि.मि. मात्र कालोपत्रे बाँकी रहेको तर थानकोट पानीघाट खोल्सी देखि चन्द्रागिरी भञ्ज्याङ सम्मको करिव ६ कि. मि. सडक चौडा गर्ने काम १५ महिनामा सकिने गरि पिएस किराँतेश्वर जे.भी. ले मिति २०७३ श्रावण १७ मा ठेक्का सम्झौता गरि ढुङ्गा बेच्ने उद्देश्यले विभिन्न बहानामा पटक–पटक गरि चार पटक ०७८ चैत्र मसान्त सम्म म्याद थप भै सकेको अवस्थामा हाल म्याद सकिसकेको अवस्थामा पनि बाटो बन्द गरि ढुङ्गा बेच्ने कार्य भै रहेको हुँदा म्याद सकिसकेको ठेकेदारलाई कार्वाहि गर्न विज्ञप्तिमा भनिएको छ ।”

साथै ठेक्का सम्झौतामा उक्त सडकमा प्रयोग हुने आवश्यक परिमाणका ढुङ्गा ग्राभेल सोहि स्थानमा स्टक गर्नुपर्ने सम्झौतामा उल्लेख छ । तर त्यसो नगरि उक्त सडकको लागि आवश्यक पर्ने ग्राभेल ८८७७२ घ.मि. र ६९६१२ घ.मि. ढुङ्गा आवश्यक पर्ने भनि थानकोट चित्तलाङ सडक योजनाले ०७७ फाल्गुन ९ गते लेखि दिएको तर उक्त परिमाणमा ठेकेदारले ढुङ्गा, गिट्टी स्टक नगरेको, विभिन्न वहानामा वैकल्पिक बाटो समेतको व्यवस्था नगरि वर्षौ देखि सडक अवरुद्ध गरि एम्बुलेन्स समेतका सवारी सञ्चालन गर्न नदिएकोले बैशाख २० गते भित्र बाटो सुचारु गराउन डिभिजन सडक काठमाण्डौंलाई ज्ञापन पत्रमा भनिएको छ । साथै २० गते सम्म सुनुवाई नभए स्थानिय आफैले आफ्नै किसिमले बाटो खोल्न बाध्य हुने ज्ञापन पत्रमा भनिएको छ ।