स्काउट फ्रेन्डशीप क्याम्प सक्कियो - थाहा नगरका ९ स्काउट ट्रुपका विद्यार्थीहरूको तीनदिने अनुशासन र नेतृत्व यात्रा

स्थानीय स्काउट थाहा नगरपालिकाको आयोजनामा प्रथम मित्रता क्याम्प(फ्रेन्डसीप क्याम्प)२०८२ झम्केश्वरी माध्यमिक बिध्यालयमा सम्पन भएको छ । 
३ दिन सम्म चलेको मित्रता क्याप २०८२ थाहा नगरपालिकामा पहिलो पटक आयोजना भएको हो । स्थानीय स्काउट थाहा नगरपालिकाको आयोजनामा बिहीबार देखि शुरु भएको क्याम्प शनिबार सम्पन भएको थियो । उक्त कार्यक्रमको अन्तिम दिन शनिबार  थाहा नगर स्काउटका संरक्षक एबम थाहा नगरपालिकाका प्रमुख बिष्णु बिष्टले समापन गर्नु भएको थियो। प्रमुख अतिथी  मेयर बिष्टले समापन कार्यक्रममा आफ्नो मन्तव्य राख्दै  क्याम्पमा सहभागी विद्यार्थीहरूले समुदायप्रति निर्वाह गर्ने जिम्मेवारी, असल नागरिक प्रतिको जिम्मेवारी बोध गराइ विद्यार्थीलाई अनुशासनमा बाध्ने विस्वास गर्नुभयो ।
बिष्टले फ्रेन्डशीप क्याम्पले विद्यार्थीहरुलाई थप अनुशासन र सहयोगी भावको बिकासमा मद्दत पुर्याएको बिश्वास व्यक्त गर्दै सिकेको कुरालाई व्यवहारमा उतार्न जोड दिदै आगामी दिनमा अन्तरपालिका स्तरीय फ्रेन्डशीप क्याम्प राख्न स्थानीय स्काउटलाई थाहा नगरपालिकाले सहयोग गर्ने प्रतिवद्द्ता व्यक्त गरे।

बिहीबार देखि शुरु भएको फ्रेन्डशीप क्याम्पमा थाहा नगरपालिकाका ९ वटा विद्यालयका २ सय २० जना विद्यार्थीहरुको सहभागिता रहेको थियो । 
क्याम्पमा थाहा नगरपालिका भित्र रहेका सुनौला स्काउट ट्रुप,झम्केश्वरी स्काउट ट्रुप,जनकल्याण स्काउट ट्रुप,मत्स्यनारायण स्काउट ट्रुप,घाटदेवी स्काउट,बज्रवाराही स्काउट,बागेश्वरी स्काउट,महांकाल स्काउट र नाट्यश्वर स्काउट ट्रुपका विद्यार्थी सहभागी रहेका थिए।
स्थानीय स्काउट थाहाका संयोजक गणेशमान श्रेष्ठको अध्यक्षतामा सम्पन्न समापन समारोहमा थाहा नगरपालिकाका प्रमुख प्रशासकीय अधिकृत सुरेन्द्र प्रधान,प्याव्सन थाहाका अध्यक्ष सुरेन्द्रमान प्रधान जनकल्याण माबिका पुर्व प्रधानाध्यापक सानोभाइ कार्की,प्रशिक्षक असोक सारु मगर सहभागी मत्स्यनारायण ट्रुपका करिना राना मगर लगायतकाले मन्तव्य राखेका थिए।
कार्यक्रममा सहभागी स्काउट ट्रुपका विद्यार्थी हरुलाइ प्रमाणपत्र प्रदान गरिएको थियो।
३ दिन सम्म झम्केश्वरी माध्यामिक विद्यालयमा चलेको क्याम्पमा प्रशिक्षक हरु असोज सारु मगर,नारायण प्रसाद ढकाल,रोशन ढकालले प्रशिक्षण दिएका थिए।