थाहा नगर

सेन्ड्रीना लिटल राधा र आरोन लिटल कृष्णको बने बिजेता

लिटल राधा बिजेता सेन्ड्रीना दायाँ

कृष्ण जन्माष्टमीको अवसरमा थाहा नगरको शिखरकोटमा सम्पन्न भएको लिटल राधाकृष्ण प्रतियोगितामा राधा तर्फ सेन्ड्रीना केसी र कृष्ण तर्फ आरोन केसी बिजेता(लिटल राधाकृष्ण)भएका छन।

(लिटल कृष्ण बिजेता आरोन केसी)

शिखरकोट बजार व्यवस्थापन समिती,शिखर क्लव,गोपाली समाज,नवजागृत पुस्तकालय र दामन चेली समाजको संयुक्त आयोजनामा सम्पन्न प्रतियोगितामा राधातर्फ ऋषिका रायमाझी र अनुश्का गोपाली क्रमशः दोश्रो र तेश्रो हुन सफल भएभने कृष्ण तर्फ सिद्धान्त राज बिष्ट र सम्भव लामा क्रमशः दोश्रो र तेस्रो भए।
बिजेता राधाकृष्ण हरुले क्रमशः ५ हजार,३ हजार र २ हजार नगद सहित ट्रफी हातपारे।
बिजेता राधाको लागि प्रथम पुरस्कार अन्जल प्रधान दोश्रो पुरस्कार रोहन कुमार सिंह र तेस्रो पुरस्कार ईश्वर कार्की ॐ नमो नम: ट्रेडसले प्रायोजक गरेका थिए भने कृष्णको लागि प्रथम पुरस्कार नवीन रायमाझी ,दोस्रो पुरस्कार राघवेन्द्र मिश्र पुजा एग्रोभेट तथा तेस्रो पुरस्कार हृदयकृष्ण रायमाझीले प्रायोजन गरेका थिए।

प्रतियोगितामा राधातर्फ १२ र कृष्णतर्फ २० जना बालबालिकाको प्रतिस्पर्धा रहेको थियो । प्रतियोगिताका विजयी बालबालिकाहरुलाई पुरस्कार र सहभागीहरुलाई लिटिल राधाकृष्ण गिफ्टह्याम्पर वितरण गरिएको थियो । गिफ्टह्याम्पर हिमालयन बोर्डिङ स्कूल, पालुङ मोडर्न इङ्लिस मिडियम स्कूल, पालुङ भ्याली हार्ट एकेडेमीले र श्री माइलस्टोन मन्टेश्वरीले विजेता अवार्ड प्रायोजन गरेको थियो।

भने प्रतियोगिताको निर्णायकहरुमा सुमित्रा केसी र ब्रम्हकुमारी सर्मिला प्रधान रहेका थिए ।
कार्यक्रममा विभिन्न सांस्कृतिक झाकी प्रदर्शन गर्ने लाई पनि नगद सहित सम्मान गरिएको थियो।कृष्णा जन्माष्टमी मेलाको अवसरमा आयोजित विभिन्न झाँकी तथा बाजा समूहहरुलाई पनि सहभागीतात्मक पुरस्कार वितरण गरिएको छ । कार्यक्रममा कुन्छाल महिला बाँसुरी समहूलाई नगद दश हजार रुपियाँ, तामाङ ढ्याङ्ग्रो नाच समूह थाहा–५ र थाहा–७ आग्रालाई पाँच÷पाँच हजार, महिला पञ्चेबाजा समूहलाई दश हजार, नेवारी बाजा तथा लाखे नाच समूहलाई दश हजार, लिटिल लाखेलाई पाँच/पाँच हजार रुपियाँ तथा खैजडी भजन समूहलाई पाँच हजार रुपियाँ पुरस्कार उपलब्ध गराइएको शिखर क्लवका अध्यक्ष विश्व अर्यालले जानकारी दिए।