सुनौला सिकाइ केन्द्रमा बाल चित्रकला प्रतियोगिता सम्पन्न

थाहा नगरपालिका वडा न  १ को सहयोग तथा  सुनौलो सामुदायिक सिकाइ केन्द्रको सहकार्य र  वडा बाल संजाल थाहा १ को आयोजनामा सुनौलो विकास केन्द्रको सभाहलमा बाल चित्रकला प्रतियोगिता तथा योग ध्यान कार्यक्रम सम्पन्न भएको छ ।
 कार्यक्रममा ७० जनाको उपस्थिति रहेको थियो भने  चित्रकला  प्रतियोगितामा ४० जना विधार्थी भाइबहिनीहरुले भाग लिएका थिए । 
चित्रकला प्रतियोगितामा सुदिक्षा गोपालीले प्रथम,  सुनिशा गोपालीले द्वितीय,  करिना तामाङले तृतीय र  अरस्तोगी गोपालीले सान्त्वना स्थान हासिल गरि पुरस्कार  जित्न सफल भएका छन् ।
बाल सन्जालका अध्यक्ष सीता गोपालीको सभाध्यक्षतामा भएको कार्यक्रममा, प्रमुख अतिथि वडा अध्यक्ष हेरमान गोपाली, अतिथिहरु वडा सदस्य  अनिता बल, सुनौलो सामुदायिक सिकाइ केन्द्रका अघ्यक्ष रुपचन्द्र गोपाली, जीवन्त शिक्षाका अध्यक्ष तथा योग गुरु  राजन बिडारी, सिकाइ केन्द्र समुदाय परिचालक  रेनु गोपाली लगायतको सहभागिता रहेको थियो ।
कार्यक्रममा योग, ध्यान  अभ्यास  साथै जीवन्त शिक्षा बारे जिवन्त शिक्षाका अध्यक्ष तथा योग गुरु राजन बिडारीले योग संगसंगै ध्यान तथा जीवन्त  शिक्षाको महत्वबारे प्रशिक्षण गर्नुभएको थियो । 
कार्यक्रमका प्रमुख अतिथि वडा अध्यक्ष हेरमान गोपालीले सुनौलो बिकास केन्द्रले संचालन सुरुवात गरेको योग ध्यान साधनाको प्रभाव नगर स्तरमा रहेको र थाहा नगरले योग ध्यान कार्यक्रमलाई थाहा नगरका सबै विधायालयहरुमा हरेक शुक्रबार संचालन गर्ने निति तथा कार्यक्रम समेत पारित गरि  कार्यान्वयनको चरणमा रहेको जानकारी गर्नुभयो । कार्यक्रमको समापन बाल क्लब संजाल अध्यक्ष सीता गोपालीले गर्नुभएको थियो ।