सिमभन्ज्याङमा ३५ फिट अग्लो राष्ट्रिय झण्डा राखियो।

मकवानपुर जिल्लाको सर्वाधिक उचाईमा रहेको थाहा नगरपालिका वडा नं. ४ स्थित पर्यटकीय क्षेत्र सिमभन्ज्याङमा  राष्ट्रिय झण्डा उत्तोलन गरिएको छ ।
श्रावण १२ गते थाहा नगरपालिकाका प्रमुख बिष्णु बिष्टको प्रमुख अतिथि र नगरपालिकाका उपप्रमुख भरत गोपाली सहित जनप्रतिनिधि, सञ्चारकर्मी, स्थानीयको उपस्थितिमा ३५ फिटको राष्ट्रिय झण्डा उत्तोलन गरिएको हो ।

उक्त झण्डा हेटौंडा उपमहानगरपालिका १० टिसिएन रोड बस्ने दिनेश डंगोलको व्यक्तिगत आर्थिक सहयोग  र ऋषेश्वर टोल बिकास संस्था तथा सिमभन्ज्याङ बजार व्यवस्थापन समितिको  सक्रीयतामा निर्माण गरी उत्तोलन गरिएको टोल बिकास संस्थाका सचिव अमित पाख्रीनले जानकारी दिए।
ऋषेश्वर टोल बिकास संस्थाका अध्यक्ष देवेन्द्र थोकरको अध्यक्षतामा सम्पन्न झण्डा उत्तोलन कार्यक्रममा थाहा वडा न ४ का अध्यक्ष नारायण लामा,कार्यपालिका सदस्य चन्द्रमाया बल,थाहा नगरपालिका सामाजिक विकास शाखा प्रमुख अनिल लामिछाने,रोजगार संयोजक कुमार नेगी,नेकपा एमाले नगर अध्यक्ष सुरेन्द्रमान प्रधान,माओवादी केन्द्रका नगर अध्यक्ष बिनोद कुमार लामा,बजार व्यवस्थापन समिती सिमभन्ज्याङका अध्यक्ष आनन्द भुजेल,झण्डा निर्माण दाता दिनेश डंगोल लगायतको उपस्थित रहेको थियो।
कार्यक्रममा नगर प्रमुख बिष्टले स्थानीय युवा हरुको सक्रियतामा सिमभन्ज्याङको पर्यटन व्यवसायमा बिस्तारै नयाँ युगको सुरुवात भएको जनाउदै दामन सिमभन्ज्याङको पर्यटन व्यावसायलाई चलामायन बनाउन यस्ता भौतिक संरचना निर्माण हुँदै जानुपर्नेमा जोड दिए।
कार्यक्रममा झण्डा निर्माण गर्न आर्थिक सहयोग गर्ने हेटौंडा १० का दिनेश डंगोललाई ऋषेश्वर टोल बिकास संस्था द्वारा सम्मानपत्र द्वारा सम्मानित गरिएको थियो।
यस अघि हेटौंडाकै समाजसेवी सिद्दिलाल श्रेष्ठ द्वारा सिमभन्ज्याङमा १८ फिट अग्लो बुद्धको मुर्ती स्थापना गरिएको थियो।