सामुदायिक वनमाथीको तेहेरो कर खारेज गर:- भारती पाठक अध्यक्ष फेकोफन

सामुदायिक वनको अधिकारमाथि आघात पर्नेगरी सरकारले लगाएको तेहेरो कर खारेज गर्न सामुदायिक वन उपभोक्ता महासंघले आग्रह गरेको छ ।
सामुदायिक वनमाथि संघ सरकारले १०, स्थानीय तहले १० र प्रदेश सरकारले २५ प्रतिशत वन पैदावार शुल्क लगाएको र तीन तहकै सरकारले लगाएका  कर हटाउन सामुदायिक वन उपभोक्ता महासंघका केन्द्रिय अध्यक्ष भारती पाठकले आग्रह गरेकी छिन।
चैत २० गते थाहा नगरपालिकाको बिकास घरमा आयोजित सामुदायिक वन उपभोक्ता महासंघ स्थानीय  महासंघ थाहा नगरको दोश्रो अधिवेशनको उद्घाटन सत्रलाइ सम्बोधन गर्दै पाठकले उक्त आग्रह गरेकी हुन।
संघीय वन ऐन  तत्काल संशोधन गरी सामुदायिक वन उपभोक्ता समूहको अधिकार सुनिश्चित गर्न महासंघले सरकारसँग आग्रह गरेको हो । सामुदायिक वन उपभोक्ता महासंघकि अध्यक्ष तथा बागमती प्रदेशका सांसद समेत रहेकी पाठकले संघीय वन नियमावली र प्रदेश वन ऐन संशोधन गरी वन सरक्षणकर्मीको अधिकार सुनिश्चित गर्न माग गरिन् ।
उनले तीन तहको करले गर्दा आम्दानी नहुने सामुदायिक वन मारमा परेको भन्दै घरमा पालेको बस्तुलाइ घाँस काट्न कर तिर्नुपर्ने बाध्यताको अन्त हुनुपर्नेमा जोड दिइन् ।
कार्यक्रमका बिशिस्ट अतिथि तथा थाहा नगरपालिकाका नगर उपप्रमुख भरत गोपालीले आगामी योजनामा वन तथा वातावरणमैत्री योजना ल्याउने प्रतिवद्धता व्यक्त गर्नुभयो । सामुदायिक वनको संरक्षण गर्नुपर्ने भन्दै थाहा नगरपालिका वन तथा वातारणको विषयमा सकारात्मक भएको बताउदै नगरपालिकाले स्थानीय वन ऐन समेत पास गरिसकेको अवस्थामा सामुदायिक वनको संरक्षणमा स्थानीय सरकार सकरात्मक रहेको बताए।
स्थानीय उपभोक्ता महासंघका अध्यक्ष शिवराम थापाको अध्यक्षतामा सम्पन्न अधिवेशन उद्घाटन समारोहमा वडा न ३ का अध्यक्ष हिरेन्द्र रायमाझी ,५ का अध्यक्ष बिष्णु बहादुर गुरुङ ,थाहा नगर सामाजिक विकास शाखा प्रमुख अनिल लामिछाने,सामुदायिक वन उपभोक्ता महासंघ मकवानपुरका अध्यक्ष सादुराम चौलागाईं ,महासंघ मकवानपुरका बच्चुराम ढुंगाना ,बलराम अधिकारी,शम्भु प्रसाद न्यौपाने ,टिस्टुङ बनस्पति उद्धानका अरुण चौधरी,पर्वतिय बनस्पति उद्धान दामनकी सुस्मिता चौधरी लगायत थाहा नगरपालिका भित्र रहेका सामुदायिक वन उपभोक्ता समितिका पदाधिकारीहरुको उपस्थित रहेको थियो।