सहकारी ब्यवस्थापन तथा सुदृढीकरण तालिम सुरु

मकवानपुर । मकवानपुर जिल्ला सहकारी संघको आयोजना एवम् बागमती प्रदेश सहकारी तथा गरिबी निवारण मन्त्रालयको सहयोगमा दुई दिने सहकारी ब्यवस्थापन तथा सुदृढीकरण तालिम हेटौंडामा सुरु भएको छ । 

मकवानपुर जिल्ला सहकारी संघका अध्यक्ष नारायण प्रसाद देबकोटाको अध्यक्षतामा सुरु भएको तालिम उद्घाटन समारोहका प्रमुख अतिथि बागमती प्रदेश सहकारी तथा गरिबी निवारण मन्त्री मदुकुमार श्रेष्ठले सहकारीले पूरा गर्नुपर्ने दायित्व इमानदातिताका साथ पूरा गर्नुपर्ने बताए ।
मन्त्री श्रेष्ठले सहकारीका कारण रोजगारीको सृजनासंगै सदस्यहरुलाई आत्मनिर्भर बन्न सहयोग गरेको बताए ।
उद्घाटन मन्तव्यकै क्रममा मन्त्री श्रेष्ठले सहकारीका उत्पन्न समस्या समाधानको लागि प्रदेश सरकार लागिरहेको बताए । 

आईतबार सम्पन्न उद्घाटन कार्यक्रममा मकवानपुर प्रदेश सहकारी संघका संचालक तथा जिल्ला बहुउद्देश्यीय सहकारी संघ मकवानपुरका अध्यक्ष रामहरी न्यौपाने, जिल्ला बचत तथा ऋण सहकारी संघ मकवानपुरकि उपाध्यक्ष मीना चौरेल, मकवानपुर जिल्ला दुग्ध उत्पादक सहकारी संघका संचालक इन्द्रप्रसाद खतिवडा, जिल्ला बहुउद्देश्यीय सहकारी संघ मकवानपुरकि उपाध्यक्ष शर्मिला डंगोल, सहकारी तथा गरिबी निवारण मन्त्रालयकि बजेट, योजना तथा अनुगमन शाखा प्रमुख शर्मिला सिजापती लगायतको आतिथ्यता रहेको थियो । 

सोमबारसम्म संचालन तालिममा मकवानपुर जिल्लाका सहकारी संघ, संस्थाका संचालक समिति तथा  लेखा समितिका पदाधिकारी र कर्मचारी गरि ४० जनाको सहभागिता रहेको छ ।
तालिमलाई सहकारी प्रशिक्षक नवराज खनालले सहजीकरण गर्नेछन् ।