संस्थापकहरुलाई सम्मान गर्दै २५ औं स्थापना दिवस

थाहा नगरमा अवस्थित पालुङ बहुउद्देश्यीय सहकारी संस्थाले आफ्नो २५ औं स्थापना दिवसको अवसरमा सम्मान कार्यक्रम सम्पन्न गरको छ ।

 स्थापना दिवसकै अवसर पारेर संस्थाले सुत्केरी सम्मान तथा बृद्धबृद्दा सम्मान सहित संस्थापक हरुलाइ सम्मान  गरेको हो।  संस्थाले हरेक बर्ष गत बर्षको पौष  ८ गते देखि यसबर्षको पौष ८ गते सम्म सुत्केरी भै पहिलो सन्तान पाएकालाइ सम्मान गर्दै आइरहेकोमा यो बर्ष ४ जना सुत्केरी हरुलाइ न्यानो झोला बितरण गरेको छ भने १६ जना वृद्धलाई पनि सम्मान स्वरुप न्यानो झोला बितरण गरिएको छ। 

 संस्थाले स्थापना दिवसको अवसर पारेर संस्थाका २६ जना संस्थापक संचालक समितिका पदाधिकारी तथा सदस्यहरु सहित पुर्व व्यवस्थापक लाई धन्यवाद व्यक्त गर्दै दोसल्ला सहित सम्मान  प्रदान गरियको थियो  ।
संस्थाका कार्यवाहक अध्यक्ष अरुण रायमाझीको अध्यक्षतामा सम्पन्न कार्यक्रममा संस्थापक अध्यक्ष बिष्णुहरी ढकाल जंगली,पुर्व अध्यक्षहरु बिमल कुमार ढकाल,पुरुषोत्तम कार्की,पुर्व व्यवस्थापक पशुपति अर्याल,सहित संस्थापक सदस्यहरु,पुर्व पदाधिकारी तथा वर्तमान संचालक समिती सदस्यहरुको उपस्थिति रहेको थियो।
संस्थाले ९ गते सोमबार २४ औ साधारणसभाको आयोजना गर्दै छ।