शिखरकोटमा आज घैटो फुटाइ संगै सांस्कृतिक कार्यक्रम हुँदै

कृष्णाष्टमीको अवसरमा थाहा नगरपालिकाको शिखरकोटमा आज दिउँसाे घैटो फुटाई प्रतियोगिता हुदैछ । 
वर्षेनी हुने यो प्रतियोगितामा मकवानपुरसहित धादिङका समेत सहभागी हुने गरेका छन् । शिखर क्लब तथा बजार व्यवस्थापन समिति,नवजागृत पुस्तकालय,गोपाली समाज र दामन चेली समाजको  आयोजनामा  हुने प्रतियोगिता भब्यताका साथ सम्पन्न हुने छ जात्राको  अवसरमा घैटो फुटाइ कार्यक्रमको साथमा बृहत साँस्कृतिक कार्यक्रम सञ्चालन हुने भएको छ । कार्यक्रमको सम्पुर्ण तयारी पूरा भएको शिखर क्लवका अध्यक्ष बिश्व अर्यालले जानकारी दिनुभयो,कार्यक्रममा सदा झै सभ्य र भव्य बनाइ सफल पार्नका निम्ती सहभागिताको लागि आयोजकले सम्पूर्णमा निमन्त्रणा गरेको छ ।
बिगतको जसरीनै जात्रा यस बर्ष भब्यरुपले आयोजना गर्न लागियको बजार ब्यबस्थापन समितिका अध्यक्ष मनोज रायमाझीले जानकारी दिय।रायमाझीका अनुसार यस बर्ष एतिहासिक  घैटो फुटाउने प्रतियोगितामा प्रथम हुने टिमले २० हजार,दोश्रोले १३ हजार तथा तेश्रो हुनेले ७ हजार नगद तथा प्रमाणपत्र प्राप्त गर्ने छ।
घैटो फुटाउने प्रतियोगिताको लागि प्रथम पुरस्कार थाहा ४ किटेनिका युवा ब्याबसायी ,समाजसेवी तथा साझा रोडा ढुङ्गा उद्योग का संचालक रामराजा केसिले प्रायोजन गरेका छन भने दोस्रो पुरस्कार बिपिन गोपाली सिद्दी बिनायक विल्डर्स तथा वासिङ प्लान्टले प्रायोजन गरेको र तेस्रो पुरस्कारको लागि सहारा रिसोर्टका संचालक हरेराम कार्कीले गरेका छन।
कार्यक्रम दिउँसो १२ बजे देखि सुरु हुने र त्यस अगाडि बिबिध सास्कृतिक कार्यक्रम हुने छ भने घैटो फुटाइसके पछि श्रीकृष्णको रथलाई बजार परिक्रमा गराउने कार्यक्रम रहेको आयोजकले जनायो।