शिक्षक संगठनको रक्तदान कार्यक्रममा ४६ जनाले गरे रक्तदान

नेपाल राष्ट्रिय शिक्षक संगठन थाहा नगर समितिको आयोजनामा ४४ औं शिक्षक दिवस विविध कार्यक्रम सहित सम्पन्न भएको छ ।
 दिवसको  अवसरमा आयोजित रक्तदान कार्यक्रममा ४६ जना रक्तदाताहरुले रक्तदान गरेको आयोजक संगठनका अध्यक्ष रुपचन्द्र गोपालीले जानकारी दिए।
 नेपाल रेडक्रस सोसाइटी, केन्द्रिय रक्त सञ्चार सेवा काठमाडौंको प्राविधिक सहयोगमा सम्पन्न रक्तदान कार्यक्रमको अवसरमा संगठनको चौथो नगर परिषद तथा शिक्षक हित बचत तथा ऋण सहकारीको सहकारी शिक्षा कार्यक्रम समेत सम्पन्न भएको छ।
 परिषदमा कोषाध्यक्ष सचिन बलबाट आर्थिक प्रतिबेदन तथा सचीव कृष्ण प्रसाद लामिछानेबाट प्रस्तुत संस्थागत गतिविधि सम्बन्धि प्रतिबेदन सर्बसमम्त पारित गरियो। 
कार्यक्रममा प्रमुख अतिथि वडा न १ का अध्यक्ष हेरमान गोपाली, बिशेश अतिथि बज्रबाराही रेडक्रसका  सभापति सानुकाजी गोपाली, जिल्ला उपाध्यक्ष कृष्ण प्रसाद पौडेल, शिक्षक हित सहकारीका उपाध्यक्ष शिव प्रसाद लामिछाने, पेसागत महासंघ सदस्य राम कुमार  बर्तौला, संगठनको गढी गाउँपालिका सदस्य राजेश अधिकारी,सुनौला माबिका स्काउट शिक्षक देवेन्द्र गोपाली,लगायतका उपस्थिति रहेको थियो। 
नेपाल राष्ट्रिय शिक्षक संगठन थाहा नगर समितिले कार्यक्रम सफल बनाउन सहयोग गर्ने सम्पुर्णमा आभार समेत व्यक्त गरेको छ।