शहीद दिवसको अवसरमा थाहामा जेसिज,लियो र लायन्सको दिप प्रज्वलन

देश र जनताका लागि शहादत प्रदान गर्ने शहीदहरूको सम्मानमा विभिन्न कार्यक्रमका साथ आज देशभर विभिन्न कार्यक्रमका साथ शहीद दिवस मनाइँयो । 
यसै बिच पालुङ जेसीज र लायन्स क्लव अफ थाहा पिस  र लियो क्लव अफ पिस थाहाले सहिद हरुको सम्झनामा दिप प्रज्वलन गरेको छ।
थाहाको थानाबजार स्थित बुद्ध चोकमा गरिएको दिप प्रज्वलनमा पालुङ जेसिज बर्ष २०२४ का अध्यक्ष निरज रायमाझीको अध्यक्षतामा भएको दिप प्रज्वलन कार्यक्रममा थाहा नगरपालिकाका उपप्रमुख भरत गोपाली,पालुङ जेसिजका संस्थापक अध्यक्ष पुरुषोत्तम ढकाल,लियो क्लव अफ पिस थाहाकी अध्यक्ष रोशनी गोपाली,ईलाका प्रहरी कार्यालय पालुङका प्रमुख श्याम थापा मगर,थाहा नगरपालिका सामाजिक विकास शाखा प्रमुख अनिल लामिछाने थाहा नगर खेलकुद विकास समिती सदस्य यादव रायमाझी,पुर्व अध्यक्ष मनोज रायमाझी,सुरेन्द्रमान प्रधान,जेसीज बर्ष २०२४ बोर्डका पदाधिकारीहरु,लियो र लायन्सका पदाधिकारी लगायत पत्रकार र स्थानियको उपस्थिति रहेको थियो।
सहिद दिवसकै अवसरमा प्राथमिक स्वास्थ्य केन्द्र पालुङको प्रागणमा पनि सहिदको सम्झनामा दिप प्रज्वलन गरिएको छ।
इतिहासको विभिन्न कालखण्डमा प्रजातन्त्र, राष्ट्र र स्वतन्त्रतासहित जनताका पक्षमा भएका आन्दोलनमा मृत्युवरण गरेका वीर सपुतहरूको सम्मानमा आज विविध कार्यक्रमका साथ देशभर शहीद दिवस मनाइने परम्परा छ ।
शहीदलाई प्रत्येक वर्ष माघ १६ गते सम्झने गरे पनि सपना पूरा गर्न हुनुपर्ने जति काम नभएको गुनासो यस अवसरमा हुने गरेको सुनिन्छ । यस दिन हुने औपचारिक कार्यक्रममा जिम्मेवार अधिकारीहरुबाट शहीदको सपना पूरा गर्न लागिपरेको प्रतिबद्धता भने निरन्तर आउने गरेको छ । पछिल्लो समय स्पष्ट परिभाषा नगरी शहीद घोषणा गरिएको भनी जनस्तरबाट टिप्पणी हुने गरेको छ । यसैबीच नेपालमा पहिलो शहीद लखन थापालाई मानिन्छ।