वडा न २ का जेष्ठ नागरिक हरुलाई सम्मान

थाहा नगरपालिका वडा न २ का जेष्ठ नागरिक हरुलाइ आज एक कार्यक्रमको आयोजना गरि सम्मान गरिएको छ। वडा जेष्ठ नागरिक समितिको आयोजना तथा वडा न २ को सहयोगमा वडा भित्र रहेका जेष्ठ नागरिक हरुलाई दशैंको अवसर पारेरचियापान तथा सम्मान गरिएको हो।वडा जेष्ठ नागरिक समितिका संयोजक बिष्णु बहादुर थापाको सभापतितब तथा थाहा नगरपालिकाका नगर प्रमुख बिष्णु बिष्टको प्रमुख आतिथ्यतामा सम्पन्न कार्यक्रममा प्रमुख अतिथी नगर प्रमुख बिष्णु बिष्टले जेष्ठ नागरिकलाई सम्मान गर्नुभएको थियो ।जेष्ठ नागरिक हरुलाइ सम्मान गर्दै प्रमुख बिष्टले ‘जेष्ठ नागरिकलाई ससम्मान बाच्न पाउने अधिकारको रक्षा गर्नुपर्ने बताउनुभयो, प्रमुख बिष्टले भन्नुभयो ,‘ उमेर हुदासम्म श्रम खर्चने नागरिकलाई उमेर पुगेपछि बाच्न आधारको व्यबस्था राज्यले गर्नुपर्छ ।’ कार्यक्रममा बोल्ने वक्ताहरुले ज्येष्ठ नागरिकको माया र सम्मान सबैले गर्नुपर्ने बताए । वक्ताहरुले ज्येष्ठ नागरिकहरुलाई कसरी खुशी दिन सकिन्छ त्यस तर्फ ध्यान दिन जरुरी रहेको बताएका थिए। 

कार्यक्रममा वडा भित्रका १०५ जना जेष्ठ नागरिकको उपस्तिथि रहेको थियो भने कार्यक्रममै १ सय १ बर्षकि वृद्धा मिनकुमरी बस्नेत ,समाजसेवी सिताराम बिष्ट र हर्क बहादुर सिङ्तानलाई दोसल्ला सहित सम्मानित गरिएको थियो। कार्यक्रममा वडा न २ का वडा अध्यक्ष बम बहादुर सिन्तान,नगर जेष्ठ नागरिक मन्चका संयोजक ईश्वर बहादुर कार्की ,वडा सदस्यहरु ,वडा जेष्ठ नागरिक समितिका सदस्यहरु लगायतका उपस्थिति रहेको थियो भने कार्यक्रममा जेष्ठ नागरिकहरुको ब्लड प्रेसर समेत परिक्षण गरिएको थियो।