सिमभन्ज्याङमा प्रतीक्षालय शिलान्यास

हाल नगरमा नै दोस्रो स्थानमा क्रियाशिल रहेको सिमभन्ज्याङ बजार ब्यबस्थापन समितिले आज  एक कार्यक्रम राखी वडाध्यक्ष दिपक सिं लामाको बिशेष आतिथ्यमा प्रतीक्षालय भवनको  शिलान्यास गरेको  छ।कार्यक्रममा बोल्दै वडाध्यक्ष दिपक सिं लामाले प्रतीक्षालय निर्माणमा आवश्यक पर्ने प्राबिधिक र नपुग बजेटको लागि आफुले सहयोग गर्ने प्रतिबद्धता राख्नुभयो।
     
त्यसैगरी  कार्यक्रममा माओबादी केन्द्र  जिल्ला समन्वय समितिको सदस्य तथा करुणाभुमी सामुदायिक वन उपभोक्ता समितिको अध्यक्ष  बिनोद कुमार लामाले बजार ब्यबस्थापन समितिले गरेको प्रयत्नको  प्रसंशा गर्दै बधाई  दिनुभयो र नयाँ घर-टहरा आफुखुसी नबनाउन अनि जथाभावी  रुखबिरुवा नकाट्न पनि सजग गराउनुभयो।  

उक्त प्रतीक्षालयले बस कुरुवा,पर्यटक,बटुवा र बसिफाँट मा।वि।मा अध्यन गर्न जाने  विद्यार्थीहरुलाई बिशेष सेवा( सुबिधा दिने र बजार क्षेत्र पनि सुन्दर देखिने बजार ब्यबस्थापन समितिको अध्यक्ष तथा कार्यक्रमको सभापतित्व  ग्रहण गरेका   डेनिलाल श्रेष्ठले कार्यक्रममा जानकारी गराए। कार्यक्रमले औपचारिकता पाएपछि सिमभन्ज्याङ क्षेत्रमा निर्मित  पुनः प्रयोगमा आउन सक्ने वस्तुहरुलाई छुटाई राख्ने टहरा (सेग्रीगेसन हाउस) को स्थितिको बारेमा पनि वडाध्यक्षलाई स्थलगत अनुगमन गराए अनि  बाकी स्थानहरूमा गर्न सकिने भावी योजनाहरुको सम्बन्धमा पनि जानकारी गराउदै  सहयोगको लागि पनि अनुरोध गरे। साथै समाज बिकासको निम्ति स्थानीयहरुलाई एकजुट हुन अपील  गरे।

कार्यक्रममा माओवादी पार्टी केन्द्र टोल समितिका संयोजक दावा शेर्पा,स्थानीय प्रहरी प्रशासनका प्रमुख अ.स.ई.ध्रुव प्रसाद शाह,सिमभन्ज्याङ चर्चका पादरी जित।ब।थोकर लगायत स्थानीयहरुको उल्लेख्य उपस्तिथि रहेको थियो।