वक्यौता अशुली गर्न पालुङ वितरण केन्द्रको सक्रियता 

नेपाल विद्युत प्राधिकरण पालुङ वितरण केन्द्रले बाँकी वकयौता अशुल अभियानलाई तिब्र बनाएको छ । लामो समयदेखि बाँकी बक्यौता नतिर्ने ग्राहकको लाईन काट्ने अभियान शुरु गरिएको हो । 
पालुङ वितरण केन्द्रको बक्यौता ३ करोड पुगेपछि अशुलीका लागि अभियान सञ्चालन गरिएको र यस साता मात्र एक सय भन्दा बढी ग्राहकको लाईन काटिसकेको पालुङ वितरण केन्द्रका प्रमुख विनोद अधिकारीले जानकारी दिनु भयो । 
प्रमुख अधिकारीले पालुङ वितरण केन्द्र अन्तर्गत पहिलो चरणमा औधोगिक र व्यावसायिक ग्राहकको लाईन काटिएको र दोस्रो चरण अन्तर्गत ग्राहस्त वर्गमा बाँकी वक्यौता रहेका ग्राहकको लाईन काट्न शुरु गरिएको पनि बताउनु भयो । 
प्राधिकरणले बाँकी बक्यौता रहेका सरकारी कार्यालयलाई पनि वक्यौता महशुल बुझाउन पत्राचार गरेको छ । 
चुहावट नियन्त्रण र वक्यौता संकलन अभियानलाई एकै साथ प्रभावकारी रुपमा संचालन गर्न टोली परिचालन गरिएको र ६० दिन भन्दा बढी समय सम्म पनि महशुल नतिर्ने ग्राहकको लाईन क्रमशः काटिने पनि प्रमुख अधिकारीले बताउनु भएको छ । 
प्राधिकरणले थाहानगरको बज्रबाारही चित्लाङ्ग ईन्द्रसरोवरको सिस्नेरी लगाएतका क्षेत्रमा लाईन काटिरहेको र थाहा नगरका अन्य क्षेत्रमा पनि काटिने जनाएको छ । 
प्राधिकरणले वक्यौता संकलन सँगै विद्युत चुहावट गर्नेहरुबाट यस आ.ब.मा झण्डै दुई लाख जरिवाना अशुल गरेको छ । विद्युच चुहावट गर्नेहरुबाट प्रयोग भएका विद्युतिय उपकरण समेत बरामद गरिएको छ । 
विद्युतकोे अनाधिकृत उपभोग गर्ने ग्राहक तथा उपभोक्ताको घरमा अनुगमन र छड्के गने अभियान भईरहेको पनि प्राधिकरणले जानएको छ ।