मकवानपुरको भीमफेदी वडा नं. ९ स्थित लेकाली बसीफाँट माविको  आयोजनामा शुक्रबार जनमुखी नेता रुपचन्द्र विष्टको २० औं स्मृति दिवसको अवसरमा रुपचन्द्र विष्टको सम्झना, थाहा अन्दोलन परिचर्चा एवम् कविता वाचन र  विद्याथिहरुलाई रुदानेबारे थाहा दिने मुल उद्देस्यको साथ कार्यक्रम  आयोजना गरिएको थियो । 
कार्यक्रम बिल्कुल फरक प्रकारले कार्यक्रम सम्पन्न गरियको थियो  ।  कार्यक्रममा न प्रमुख अतिथि न अतिथि, न त उपस्थितहरुको गलामा खादा र माला थियो । यो कार्यक्रम रुपच्रन्द्र विष्टको सैलिबाट संञ्चालन गरिएको थियो । प्रमुख अतिथि, बिशेष अतिथि र मन्चभरि अतिथिहरुको आसनग्रहण गरि रहेको थियो तर उनिहरुकोे  गलामा   नत मान सम्मानका लागि फूलमाला, नत खादा, तन ब्याच अनि नत  भव्य स्वागत सत्कार र बिदाई नगरि  विल्कुलै रुदाने सैलिमा कार्यक्रम गरियको थियो । 
हिजोआज कुनैपनि कार्यक्रमहरुमा  यसरी संचालन  गरेको देखिदैन । तर विष्टकै सैलिमा यस्तो  कार्यक्रम गरिएको बिुझिन्छ । रुपचन्द्रले छाडेको पहिचान संरक्षण र प्रवर्द्धन गर्ने उद्देश्यका  साथ उनकै शैली अनुसार कार्यक्रम आयोजना गरिएको विद्यालय व्यवस्थापन समितिका अध्यक्ष विनोदकुमार लामाले जानकारी दिए । 
कार्यक्रममा राष्ट्रिय सभाका सांसद तथा रुपचन्द्र विष्ट स्मारक समिति नेपालका अध्यक्ष रामनारायण बिडारीले रुपचन्द्रको भावनाअनुरुप जनताको सेवकको रुपमा जनप्रतिनिधिले काम नगरेको बताए । बिडारीले ‘रुपचन्द्रकै अभियानको नामबाट राखिएको ‘थाहा’ नगरपालिकामा रुपचन्द्रकै अपमान गरेको भन्दै रुपचन्द्रको स्मृतिल दिवसमा थाहा नगरपालिकाले सार्वजनिक बिदाको घोषणा गर्नुपर्ने बताए ।

रुदाने अर्थात रुपचन्द्र विष्टको पर्चा वाचन गरेर सुरुवात गरिएको कार्यक्रममा मकवानपुर र काठमाडौंका एक दर्जनभन्दा बढी साहित्यकारहरूले प्रगतिशील कविता वाचन गरेका थिए । 
कार्यक्रममा कवि स्नेह सायमी, निमेष निखिल, अप्सरा तिम्सिना, पुरुषोत्तम आचार्य, सुमनराज श्रेष्ठ, मुक्तान थेवा, शान्तिप्रिय बन्दना, सुवास खनाल, बिरप्रसाद भन्सारी, केशव समर्पण, सिएम रिमाल, भावना सापकोटा, सविता तिमल्सिना, छवि अनित्य, उमाकान्त आचार्यलगायतले रचना वाचन गरेका थिए ।