प्राप्त तालिमको व्यवहारमा प्रयोग नभए अपराध हुन्छ:-उपप्रमुख गोपाली

थाहा नगरपालिकाका उपप्रमुख भरत गोपालीले आफुले सिकेको सिपलाइ व्यवहारमा नल्याए अपराध हुने बताउनुभएको छ।
आज थाहा नगरपालिकामा सहकारी हरुको व्यवस्थापक हरुको चार दिने तालिमको समापन समारोहमा बोल्दै उपप्रमुख गोपालीले उक्त भनाइ व्यक्त गरेका हुन उनले  चारदिने तालिम उपलब्धिमूलक भएको विश्वास व्यक्त गर्दै, केही सहकारीका कारण जनविश्वास घट्दै गएको बताउनुभयो । तालिममा सिकेको सीपलाई व्यवहारमा उतार्न उपप्रमुख गोपालीले आग्रह गर्दै तेसो नगरे तालिम लिएको खेर जाने र त्यो अपराध हुने बताउनुभयो।
थाहा नगरपालिकाको सहकारी शाखाको  आयोजनामा नगर भित्र रहेका सहकारीहरुका  व्यवस्थापक हरुका लागि बित्तीय साक्षरता,सहकारी शिक्षा र कर प्रशासन सम्बन्धि ४ दिने तालीम समापन भएको छ।
तालीमको सहजीकरण पालुङ क्याम्पसका क्याम्पस प्रमुख राजन मिश्र,पालुङ बहुउद्देश्यीय सहकारी संस्थाका व्यवस्थापक प्रकाश पौडेल ,थाहा नगरपालिकाका लेखा शाखा प्रमुख अमर बहादुर जिसी ,बित्तिय सहजकर्ता मेलिना खत्री  र प्रमुख प्रशासकीय अधिकृत कृष्ण गिरीले गर्नुभएको थियो।
तालिममा नगर भित्र संचालनमा रहेका ४० ओटा सहकारी संस्थाहरुको व्यवस्थापक हरुको सहभागिता रहेको सहकारी शाखा प्रमुख अस्मिता तिवारी घिमिरेले  जानकारी दिइन।
समापन कार्यक्रममा नगर उपप्रमुख भरत गोपाली,योजना महाशाखा प्रमुख डम्बर बिश्वकर्मा,नगर प्रमुख प्रेस संयोजक शम्भु अधिकारी ,प्रमुख प्रशिक्षक प्रकाश पौडेल ,प्रशिक्षक राजन मिश्र लगायतका उपस्तिथि रहेको थियो।
कार्यक्रममा सहभागी हरुले नगरले यस्ताखाले तालिमको आयोजना गरिरहे सहकारी हरुको मनोबल वृद्धि हुने बिश्वास व्यक्त गर्दै आगामी दिनमा यस्ता तालिमको निरन्तरताको आश गरेका थिए।