लायन्स  क्लव अफ थाहा पिसको वर्ष २०२४/०२५ को अध्यक्षमा सत्यदेवी स्याङ्तान

लायन्स  क्लव अफ थाहा पिसको वर्ष २०२४/०२५ को अध्यक्षमा सत्यदेवी स्याङ्तान निर्विरोध निर्वाचित हुनु भएको छ ।

जेठ ११ गते सम्पन्न क्लवको ८ औं वार्षिक साधारणसभाले प्रथम उपाध्यक्षमा अनित विष्ट र द्वितीय उपाध्यक्षमा निरज रायमाझीलाई निर्विरोध निर्वाचित गराएको निर्वाचन अधिकृत जयराम खत्रीले जानकारी दिनुभयो ।

वर्ष २०२३/०२४ का अध्यक्ष गीता कार्कीको अध्यक्षतामा भएको सभामा नवनिर्वाचित अध्यक्ष स्याङ्तानले मन्तव्य दिदै सचिवमा दिपक लामा र कोषाध्यक्षमा रचना बस्नेतलाई मनोनित गर्नुभएको छ ।

साधारणसभाको अवसरमा क्लवले मधुमेह रोग उपचार केन्द्र स्थापना गर्न अन्तर्राष्ट्रिय लायन्समा पहल गर्ने प्रस्ताव पारित भएको छ । सभाको अवसरमा प्रमुख अतिथि क्लवमा सल्लाहकार तथा लायन्स क्लव अफ धादिङ पिस खानीखोलाका पूर्व अध्यक्ष एवम् थाहा नगरपालिकाका उपप्रमुख भरत गोपालीले लायन्स क्लवले थाहा नगरमा पुर्‍याएको योगदानको प्रसंशा गर्नुभयो । सभामा संस्थापक अध्यक्ष सुरेन्द्रमान प्रधानले आउँदो वर्ष मधुमेह रोग उपचार केन्द्र स्थापना गर्न र अवस्था कमजोर रहेका विद्यालयहरु लक्षित कार्यक्रम गर्न सुझाव दिनुभयो ।

सभामा पूर्व अध्यक्षहरु विक्रम केसी, उद्वव विडारीलगायतको आतिथ्यता थियो ।