लकडाउनमा स्थानीय पत्रकारकाे अवस्थाबारे प्रेस संगठनकाे चासाे

प्रेस संगठन मकवानपुरको संयोजनमा थाहानगरमा क्रियाशील संगठनमा अावद्ध पत्रकारहरुबीच साेमबार छलफल कार्यक्रम सम्पन्न भएको छ । कोरोना भाइरस (कोभिड–१९) का कारण भएको लकडाउनका बेला स्थानीय पत्रकारहरुको अवस्थाबारे छलफल भएको हो । 

कार्यक्रममा संगठनका प्रदेश सदस्य एवम् दामन एफ. एम. का कार्यक्रम व्यवस्थापक कुमार नेगीले लकडाउनकाे समयमा थाहा नगरमा रहेका पत्रकारहरूकाे अवस्था र समस्याबारे जानकारी गराएका  थिए ।

प्रेस संगठन केन्द्रीय सदस्य राजन दाहाल र बागमती   प्रदेशका सहसंयोजक सुनिल खड्काको विशेष उपस्थितीमा भएको छलफलमा प्रेस संगठनका जिल्ला संयोजक प्रकाश दाहाल, संगठनका प्रदेश सदस्यहरु कुमार नेगी, सुरेन्द्रमान प्रधान, इच्छापूर्ण कार्की, सुरजकुमार भुजेल, धर्मेन्द्र दाहाल, राजकुमार केसीलगायत जिल्ला सदस्यहरुको उपस्थिती रहेको थियो । 

कार्यक्रममा जिल्ला संयोजक प्रकाश दाहाल, प्रदेश सहसंयोजक सुनिल खड्का, प्रदेश सदस्य कुमार नेगी लगायतले मन्तव्य राखेका थिए । कार्यक्रमका सहभागी तथा वक्ताहरुले लकडाउनका कारण पत्रकारलाई परेको समस्या र कोभिड–१९ को संक्रमणबाट जोगिन अपनाइएको सजगताको विषयमा बोलेका थिए । 

कार्यक्रममा दामन एफएम, थाहा पाटी, विकास खबरपत्रिका, थाहा टाइम्स लगायत संचार माध्यममा आवद्ध स्थानीय संचारकर्मीहरुको उपस्थिती रहेको थियो । सो अवसरमा जिल्ला समितिको तर्फबाट पत्रकारहरुलाई प्रेस ज्याकेट, मास्क तथा सेनिटाइजर हस्तान्तरण गरिएकाे थियाे ।