रङ्गोली प्रतियोगितामा सरस्वती माबी प्रथम,

विद्यार्थीहरुलाई अतिरिक्त क्रियाकलापमा सक्रिय गराउन तिहारको सन्दर्भ पारेर थाहामा रंगोली प्रतियोगिताको आयोजना गरिएको छ।
स्थानिय स्काउटको कार्यालय थाहा नगरको आयोजनामा कार्तिक २२ गते रंगोली प्रतियोगिता भएको हो।
पालुङ जेसिजको सभाहलमा सम्पन्न प्रतियोगितामा नगरपालिका भित्रका ११ वटा स्काउट ट्रुप विद्यालयका विद्यार्थी हरुको सहभागिता रहेको प्रतियोगितामा सरस्वती माबी आग्रा देउखेलका विद्यार्थी हरुले बनाएको रंगोलीले प्रथम स्थान हासिल गरेको थियो भने जनकल्याण माबिका विद्यार्थीहरुले बनाएको रंगोली द्वितीय र मत्स्यनारायण स्काउट ट्रुपका विद्यार्थी हरुले बनाएको रंगोलीले तेस्रो स्थान हासिल गरेका थिय।
प्रतियोगितामा प्रथम,द्वितीय र तेस्रो हुनेले क्रमस ५ हजार ३ हजार र २ हजार नगद सहित प्रमाणपत्र प्राप्त गरे।बिजेता स्काउट ट्रुपका विद्यार्थी तथा विद्यालय लाई स्थानीय स्काउट थाहा नगरपालिकाका संयोजक गणेशमान श्रेष्ठले पुरस्कार प्रदान गरेका थिय।

रंगोली भारतीय उपमहाद्वीपबाट उत्पत्ति भएको प्राचीन सांस्कृतिक परम्परा तथा लोक कला हो । रंगोलीको नाम र त्यसको शैलीमा भिन्नता हुनसक्छ तर यसको पछाडीको निहित भावना र संस्कृतिमा पर्याप्त समानता छ । यसको यही विशेषताले यसलाई विविधता दिन्छ र यसको विभिन्न आयामहरूलाई पनि प्रदर्शित गर्ने जानकारहरु बताउँछन् ।
यसलाई चाडपर्व, व्रत, पूजा, विवाह आदि शुभ अवसरहरूमा सुख्खा र प्राकृतिक रंगहरूबाट बनाइन्छ । यसमा साधारण ज्यामितिय आकार वा देवी देवताहरूको आकृतिहरू हुनसक्छ । यसको प्रयोजन सजावट र सुमङ्गल हो । यसलाई प्रायः घरका महिलाहरूले बनाउँछन् । विभिन्न अवसरहरूमा बनाइने यी परम्परागत कलाकृतिहरूको विषयवस्तु अवसरअनुसार फरक–फरक हुन्छ । यसका लागि प्रयोग गरिने परम्परागत रंगहरूमा पिसेको सुक्खा वा भिजेको चामल, सिन्दुर, रोली, बेसार, सुक्खा पिठोलगायत प्राकृतिक रंगहरूको प्रयोग हुने भएपनि अहिले रंगोलीमा रासायनिक रंगहरूको पनि प्रयोग हुन थालेको छ । रंगोलीढोकाको बीचमा वा ’round, आँगनको केन्द्र र उत्सवको लागि तोकिएको ठाउँको बीचमा वा ’round बनाइन्छ । कहिलेकाहीँ यो फूलहरू, काठ वा अन्य कुनै वस्तुको भुसा वा चामल आदिबाट पनि बनाइन्छ ।