योजनाको पोको बोकेर संघीय मन्त्रालयमा नगर प्रमुख मीना लामा

हेटौंडा उपमहानगरपालिकाकी नगर प्रमुख मीनाकुमारी लामा सुन्दर उपमहानगर निर्माणका योजनाको पोको बोकर संघीय सरकारको मन्त्रालय पुगेकी छन् ।
नगरप्रमुख लामा नेकपा (एकीकृत समाजवादी) ले नेतृत्व गरिरहेको मन्त्रालयमा समग्र हेटौंडा उपमहानगरको विकासका योजना बोकेर पुगेकी छन् । उनले संघीय सरकारको भौतिक पूर्वाधार, सस्कृती पर्यटन , शहरी विकास, स्वास्थ्य तथा जनसंख्या मन्त्रालमा  मन्त्रीहरुसँग भेटेर नयाँ याेजनाहरुका लागि सहयाेग गर्न र बजेटमा समेटिएका योजना तत्काल अगाडि बढाइदिन आग्रह गरेकी हुन् ।
लामाले विशेष गरी हेटौंडाको स्वास्थ्य क्षेत्र र भौतिक पूर्वाधार विकासका लागि संघीय बजेटमा समावेश भएका योजनालाई अगाडि बढाउन र नभएका योजनाहरु कसरी समेट्न सकिन्छ भनेर मन्त्रीहरुसँग छलफल गरेकी थिइन् ।
नगरप्रमुख लामाले विशेष गरी चुनावी ऐजेण्डाको रुपमा आफूले अगाडि बढाएका योजनाहरुलाई कसरी अगाडि बढाउन सकिन्छ भनेर मन्त्रीसँग अन्तर्क्रिया गरेको प्रेस सल्लाहकार राजन दाहालले जानकारी दिए ।
शहरी विकास मन्त्रालयमा चक्रपथ सडक निर्माण, नमूना तरकारी बजार, कनेक्टिभिटि रोड सहितका योजना, स्वास्थ्य मन्त्रालयमा मुटुको उपचारका लागि आवश्यक कार्डियो मेसिन, यूएसजी सहित आवश्यक सहयाेग, सस्कृत पर्यटन तथा नागरीक उड्डयन मन्त्रालयमा  बाेटिङ्ग सिहत विभिन्न याेजना समेटिएकाे ‘कर्रा पर्यटन प्रवद्र्धन आयाेजना’ लगायत समग्र नगरकाे बिकासका विषयमा छलफल भएको थियो ।