मेयर वडा स्तरीय तरकारी पकेट अन्तर्गत थाहा ११ का कृषकलाई कृषि सामाग्री प्रदान,

थाहा नगरपालिकाले चालु आर्थिक वर्ष २०८०/०८१ मा कृषि क्षेत्रमा नयाँ कार्यक्रम ल्यायो । कृषकहरुलाई यान्त्रिकरणतर्फ उन्मुख गराउन पालिकाले ल्याएको कार्यक्रम हो–‘मेयर वडास्तरीय तरकारी पकेट प्याकेज कार्यक्रम’ । यहि कार्यक्रम अन्तर्गत पालिकाको ११ नम्बर वडाका किसानहरुलाई कृषि सामाग्री वितरण गरिएको छ । थाहा नगरपालिकाले १ भाद्रमा सूचना प्रकाशित गरी मेयर वडास्तरीय तरकारी पकेट प्याकेज कार्यक्रम सञ्चालनका लागि निवेदन आव्हान गरेको थियो ।

नगरपालिकाले आव्हान गरेको सूचनाका आधारमा मापदण्ड पुगी छनोट भएको नव प्रगतिशील पसुपंछी कृषि समुह थाहा–११ अन्तर्गतका किसानहरुलाई २१  माघमा ७ एच.पि. क्षमताको पेट्रोल प्रयोग हुने ३८ वटा मिनिटिलर, स्प्रेयर पम्प २५ थान,डिजिटल काँटा तराजु १० थान,पाइप १७ सय मिटर २० एमएम,१६ सय मिटर २५ एमएम र ३ सय मिटर ३२ एम एम,५० मिटर ४० एमएम, मल्चिङ प्लास्टिक २५ रोल ,ग्राडेन पाइप १०० थान,हजारी १० थान,स्प्रीङकल ५० थान सानो ८ थान ठुलो,हिलटेक ट्याङ्की ७ थान,वितरण गरिएको कृषि शाखा प्रमुख संजय तिवारीले जानकारी दिए । आर्थिक वर्ष २०८०/०८१ को वार्षिक स्वीकृत  कार्यक्रम अन्तर्गत स्वरुप ५० प्रतिशत अनुदानमा कार्यक्रम सञ्चालन गरिएको शाखा प्रमुख तिवारीले जानकारी दिए ।
 तरकारी पकेट कार्यक्रम संचालन निर्देशिका अनुसार सञ्चालन भएकोे मेयर वडास्तरीय तरकारी पकेट प्याकेज कार्यक्रमबाट नगरको कम्तीमा १४० रोपनी क्षेत्रफलका दरले तीन स्थानमा कार्यक्रम सञ्चालन गर्ने पालिकाको योजना छ । किसानहरुले कृषि उपकरण पाएपछि नगरपालिकाप्रति आभार व्यक्त गरेका छन् । दैनिक जीवनशैली नै कृषिमा आधारित भएपश्चात् प्राप्त उपकरणले कृषि कर्ममा लाग्न थप उत्साह थपिएको प्रतिक्रिया दिए ।
कृषि सामाग्री वितरण कार्यक्रममा वडा न ११ का अध्यक्ष अध्यक्ष दिनेश बल,थाहा नगरपालिका कृषि शाखा प्रमुख सन्जय तिवारी,कृषि शाखा सहायक अधिकृत ज्ञानु भट्टराई,कृषि सहायक राजकुमार श्रेष्ठ लगायतका उपस्थित रहेको थियो।