महिलाहरुलाई समान अधिकार चाहिन्छ:-सांसद मोक्तान

बागमती प्रदेशका सांसद तथा पुर्व सामाजिक बिकास मन्त्री कुमारी मोक्तानले महिलाहरुलाई पुरुष सरह समान अधिकार दिनुपर्ने बताउनुभएको छ।
चेतनशिल महिला सहकारीको आयोजनामा आज थाहा नगरपालिकामा आयोजित ११५ औं अन्तर्राष्ट्रिय नारी दिवसको अवसरमा आयोजित कार्यक्रमलाई सम्बोधन गर्दै सांसद मोक्तानले उक्त कुरा बताउनुभयो । मोक्तानले महिलाहरुलाई संविधानमा तोकेको बाहेक अन्त स्थान नमिलेको बताउदै बागमती प्रदेशमा अहिले १४ जनाको मन्त्री मंण्डलमा जम्मा २ जनाले मात्र स्थान पाएको बताउदै नलेखेको ठाउँमा महिलाले नपाउने लेखेको ठाउमा कार्यान्वयनको समस्या रहेको औल्याउँदै अहिले पनि समाज र परिवार बाट महिलाहरु माथी पिडानै थोपरिएको बताउनुभयो।
सांसद मोक्तानले संविधानमा पैत्रिक सम्पतिमा छोरा सरह छोरीलाई पनि समान अधिकार दिएको भएपनी समाज अहिले पनि कार्यन्वयनको पक्षमा नरहेको उल्लेख गर्दै उनले भने" महिला हरु लाई दाइजोमै बिबेध रहेको छ,बिहेमा दिने दाइजो सोफा किन्न जादा पनि पसलेले दाइजो लाई कि घरलाई भनेर दुई किसिमको सामान देखाउछ,त्यहाँ पनि कति हेपेको हेर्नू त! आफ्नै छोरीलाई त राम्रै दिएपनी त हुन्छ नि!"।
उनले जनयुद्ध र जन आन्दोलन को जगमा संविधानमा नै महिला हक अधिकार सुनिश्चित गरिसकेकोले अब महिलाहरुले देश र समाजको नेतृत्व तहमा आफ्नो पहुँच पुर्याउन महिला अग्रसर हुनुपर्नेमा जोड दिदै न्यायमा महिलाहरुको समान पहुँच पुर्याउन आफ्नो सक्दो प्रयास हुने बताउनुभयो।
थाहा नगरपालिका महिला,बालबालिका तथा जेष्ठ नागरिक समितिका सदस्य पवित्रा सिंह ठकुरीको अध्यक्षता तथा माननीय कुमारी मोक्तानको प्रमुख आतिथ्यतामा आयोजित अभिमुखिकरण कार्यक्रममा महिला बिकास कार्यालय मकवानपुरका पुर्व प्रमुख उपसचिव शोभा शाहले महिला ससक्तिकरणको बारेमा  प्रकाश पार्नुभएको थियो।
थाहा नगरपालिका महिला,बालबालिका,जेष्ठ नागरिक तथा अपाङ परिचयपत्र शाखाको सहयोगमा सम्पन्न कार्यक्रममा थाहा नगरपालिका भित्र संचालनमा रहेको महिला सहकारीहरु पुण्यश्री महिला सहकारी ,लालीगुराँस महिला बहुउद्देश्यीय ,चेतनशील महिला सहकारी ,कुटेश्वरी महिला सहकारी ,चन्द्रागिरी महिला सहकारी ,महिला शक्ति बचत ,तथा महिला जागृती उत्थान सहकारीको प्रमुख हरु,वडा सदस्यहरु कविता बिष्ट,सविता सुनार,चन्द्रमाया थिङ,शशी बिक,राममाया गोले,महिला शाखा प्रमुख प्रतिमा मोक्तान,थाहा नगरपालिका न्यायिक सहजकर्ता गोपी कुमारी कार्की,नगरपालिकाका अमिन शोभा भण्डारी,पुण्यश्री साकोसका अध्यक्ष ईश्वरी शाही ठकुरी,महिला शक्ति साकोसका अध्यक्ष सुनिता दोङ लगायतका उपस्तिथि रहेको थियो।
कार्यक्रमलाई चेतनशील महिला सहकारीका अध्यक्ष शकुन्तला गोपालीले संचालन गरेका थिए।