महालक्ष्मी विकास बैंक पालुङ द्वारा विद्यार्थीलाई न्यानो कपडा वितरण

महालक्ष्मी विकास बैंक लिमिटेडले संस्थागत सामाजिक उत्तरदायित्वको माध्यमबाट सामाजिक र आर्थिक रुपमा समाजलाई योगदान पु¥याउने उद्देश्यका साथ ‘एक शाखा, एक सामाजिक उत्तरदायित्व कार्यक्रम’ सञ्चालन गर्दै आइरहेको छ।

सोही कार्यलाई निरन्तरता दिँदै यस बैंककोे पालुङ शाखाले थाहा ̵ ११ मालागिरी स्थित कालीदेवी प्राथमिक  विद्यालयमा अध्ययनरत विपन्न परिवारका ५५ जना छात्रछात्रालाई न्यानो कपडा ज्याकेट वितरण गरेको छ। विद्यालयको प्राङ्गणमा २७ पौषमा आयोजित कार्यक्रमका बीच पालुङ शाखाका प्रबन्धक नितेश पाण्डेले विपन्न परिवारका विद्यार्थीहरुलाई न्यानो कपडा वितरण गरेका हुन्।

जाडो बढेसँगै स्कूल आउन समस्या भोगिरहेका विद्यार्थीहरुलाई ज्याकेट वितरण गरिएको बैंकले जनाएको छ। जसबाट दैनिक पठनपाठनमा र विद्यालय सञ्चालनमा सहयोग पु¥याएको विद्यालय प्रधानाध्यापक रुपक उप्रेतीले जानकारी दिए।

आगामी दिनमा पनि सामाजिक उत्तरदायित्व कार्यक्रमअन्तर्गत थाहा नगरपालिकाको सामाजिक, आर्थिक रुपान्तरणका विभिन्न कार्यक्रमहरु अझै प्रभावकारी रुपमा सञ्चालन गर्ने बैंकका प्रवन्धक पाण्डेले बताए।
न्यानो कपडा बितरण कार्यक्रममा थाहा ११ का वडा अध्यक्ष दिनेश बल,विद्यालय व्यवस्थापन समिती अध्यक्ष अमृत थोकर  बैंकका कर्मचारीहरु,पत्रकार शम्भु अधिकारी,विद्यार्थी ,तथा शिक्षक,अभिभावकहरुको उपस्तिथि रहेको थियो।