मनहरी गाउँपालिका द्वारा सहिद परिवार सम्मानित

मनहरी गाउँपालीकाले सहिद तथा वेपत्ता मानीसका परिवारलाई नगद सहिद सम्मान गरेको छ । मंगलबार मनहरी ३ लामिटार स्थीत सभाहलमा गाउँपालीकाले एक कार्यक्रमका बिच उनीहरुलाई नगद सहित सम्मान गरेको हो । गाउँपालीका उपाध्यक्ष सिता पुलामी मगरको सभाध्यक्षतामा आयोजीत कार्यक्रममा बागमती प्रदेशका सामाजीक विकास मन्त्री कुमारी मोक्तानको प्रमुख आतिथ्यता रहेको थियो ।

मन्तव्यको क्रममा मन्त्री मोक्तानले अहिलेको व्यवस्था सहिदको रगतसँग साँटेर आर्जिएको टिप्पणी दिनुभयो । उहाँले भन्नुभयो , १० वर्षे जनयुद्धले तपाईंको सन्तानको बलिदान लियो भनेर अनेक मानीसहरुले भन्लान तर तपाईंको सन्तानको रगतले अहिलेको व्यवस्थालाई सिँगारेको भनेर बुझ्नुस् । अबुझ मानीसहरुको मानसीकताले अहिलेको व्यवस्थालाई दोष दिएको उहाँको भनाई छ ।

कार्यक्रममा बोल्दै ५ नं वडाअध्यक्ष दीपेन्द्र अधिकारीले अहिलेको व्यवस्थालाई बलीयो बनाउन सहिदहरुले दिएको आहुती भुल्न नहुने उद्घोष गर्नुभयो । यस्तै ३ नं वडाअध्यक्ष अनन्त प्रकाश अर्यालले १० वर्षे जनयुद्धको सुखद उपलब्धीको रुपमा अहिलेको व्यवस्थालाई आत्मसात गर्नुपर्ने जानकारी दिनुभयो ।

कार्यक्रमको समापन गर्दै सभाध्यक्ष तथा गाउँपालीका उपाध्यक्ष पुलामीले गाउँपालीकाका अन्य सहिद तथा वेपत्ता परिवारको खोजी गर्ने प्रतिवद्धता व्यक्त गर्नुभयो । आगामी दिनमा पनि यस्ता कार्यक्रमलाई निती तथा कार्यक्रममा समावेश गरी अझ श्रृजनात्मक ढंगले सहिदहरुको सम्मान गर्ने उहाको भनाई छ ।

कार्यक्रममा १३ सहिद र २ वेपत्ता परिवारलाई जनहि नगद रु ५ हजार सहित खादा ओढाएर सम्मान गरीएको हो । कार्यक्रममा ४ नं वडाअध्यक्ष प्रकाश थापा , ८ नं वडाअध्यक्ष नारायण उप्रेती , प्रमुख प्रशासकिय अधिकृत मोहन श्रेष्ठ , नेकपा माओवादी बागमती प्रदेश ईन्चार्ज विर बहादुर घलान (ज्वाला), कार्यपालीका सदस्यहरु लगायतको सहभागीता रहेको थियो ।