मनहरीमा प्रेस सेन्टर मकवानपुरको विस्तारित बैठक सम्पन्न

नेपाल कम्युनिस्ट पार्टी माओबादी केन्द्र सम्बद्घ पत्रकारहरुको संगठन प्रेस सेन्टर नेपाल मकवानपुरको बिस्तारित बैठक मनहरी गाउँपालिकामा सम्पन्न भएकोछ ।

मनहरी गाउँपालिकाको रजैयामा बसेको बिस्तारित बैठकमा नेकपा माओबादी केन्द्रका केन्द्रिय सदस्य ईश्वरी प्रसाद भट्टराईको प्रमुख आतिथ्यता रहेको थियो ।

संगठनको बिस्तारित बैठकमा श्रद्धाञ्जली ,रिपोर्टिङ , नियुक्ति , कार्य योजना,मिडिया डेस्क संचालन र पार्टिको केन्द्रिय अभियान लगाएतका प्रस्तावहरू माथी छलफल गरि निर्णय पारित गरिएको थियो ।

बैठकमा सहभागी अधिकांश सहभागीहरुले पार्टी नेतृत्वको आलोचना गरेका थिए । संगठनमा आवद्ध साथिहरुलाई चुनावमा मात्र चुनावी अस्त्र बनाईएको र सहकार्य गर्न हिचहिचाएको भन्दै केन्द्रिय नेताकै बिच पार्टी नेतृत्वको आलोचना गरेका थिए । साथै पार्टिको लागि प्रचार प्रसारमा अडिक भएर हिडिरहदा पार्टी नेतृत्वले केन्द्र , प्रदेश , जिल्ला र स्थानिय स्तरका नेतागणले कहिले बुझ्ने भन्दै गुनासो पोखेका थिए । यस्तैगरी प्रदेशको राजधानी समेत मकवानपुरमै भएकोले मिडिया डेस्क सन्चालन गर्नुपर्नेमा जोड दिईएको थियो ।

जवाफमा कार्यक्रमको प्रमुख अतिथी पार्टी केन्द्रिय सदस्य भट्टराईले पार्टिको नेता बन्नलाई नेतृत्वको चाकडी गर्ने होईन मैदानमा को कसरी उपस्थितहुन्छ र कामको आधारमा अब नेता बन्ने र छन्ने अभियानमा लागेको बताउदै छलफलमा उठेका विषय बस्तुमा प्रदेश तथा केन्द्रका नेतृत्व समक्ष छलफल चलाईने बताउनुभयो ।

यस्तै गरि बैठकमा बोल्दै पार्टी जिल्ला संयोजक सर्केश घलानले बैठकमा उठेका प्रश्नहरुको जवाफ दिदै पार्टिका नेतृत्व र पार्टी सम्बद्घ पत्रकारहरु बिच तालमेल नमिलेकै हो भन्दै अब बिस्तारै समन्वय गर्दै अगाडि बढिने बताउनुभयो । राजनितिमा राजनितीकर्मी र पत्रकारबिच अन्तर सम्बन्ध हुनुपर्ने भन्दै पत्रकारहरुको माग सम्बोधन गराउने तर्फ आफू लागिपरिरहेको बताउनुभयो ।

कार्यक्रममा पार्टिका केन्द्रिय सदस्य घन श्याम दाहाल, बागमती प्रदेश पार्टी कमिटी उपाध्यक्ष एबम बागमती प्रदेश सदस्य संसद प्रेम बहादुर पुलामी ( छिन्तु),जेष्ठ कम्युनिस्ट मन्च केन्द्रिय सदस्य रामहरी सुवेदी ( गुलाव), बागमती प्रदेश सचिवालय सदस्य सर्केश घलान , प्रदेश सचिवालय सदस्य वीर बहादुर घलान ( ज्वाला), प्रदेश कमिटी सदस्य लक्ष्मी माझी ( कृपा),प्रेम भुजेल, मनहरी पार्टी गाउँ कमिटी ईन्चार्ज राजकुमार पाख्रिन, गाउँ कमिटी अध्यक्ष राम प्रसाद कालाखेती लगाएतका अन्य नेताहरुको उपस्थिती रहेको थियो ।

त्यस्तैगरी सङ्गठनका केन्द्रिय सचिब सुनिल खड्का,नेपाल नीति परामर्श समिती सदस्य कृष्ण सारु मगर, प्रेस सेन्टर बाग्मती प्रदेश महासचिव ध्रुव अधिकारी, प्रदेश कमिटी सदस्य भावना रिजाल लगाएत अन्यको उपस्थिति रहेको थियो ।
बिस्तारित बैठक संगठनका अध्यक्ष अन्जली थापाको सभाध्यक्षतामा सम्पन्न भएको थियो भने कार्यक्रमको सहजिकरण संगठनको जिल्ला कोषाध्यक्ष अशोक सुजन श्रेष्ठले गरेका थिए ।