मत्स्यनारायणका विद्यार्थीले गरे बजार अनुगमन

व्यवसायीहरूले खाद्यान्नमा चर्को मूल्यमा म्याद नाघेको, लेबल नभएको सामान खरिद गर्दै आएका छन्। अनुगमन प्रभावकारी नहुँदा ठूला व्यवसायीले म्याद नाघेका सामानहरू ग्रामीण क्षेत्रमा पठाउने गरेका छन्। गुणात्मकभन्दा संख्यात्मक अनुगमनलाई प्राथमिकता दिँदा बजार स्वच्छ हुन नसकेको समयमा  नेपालमा पर्याप्त खाद्य अधिकार र अनुगमनमा चुनौती रहेको अवस्थामा थाहा नगरपालिका वडा न २ मा अवस्थित मत्स्यनारायण माध्यमिक विद्यालयले आफ्ना विद्यार्थी हरुलाइ उपभोक्ता हित संरक्षण र अधिकारको सिकाइ लाई विद्यार्थी हरुलाई प्रयोगात्मक अभ्यास गराएको छ।
कक्षा १० को सामाजिक विषयकाे एकाई ५ काे पाठ ८ काे उपभोक्ता अधिकार अन्तर्गतको सिकाई क्रियाकलाप अनुसार , बजारमा किनेकाे सामान ताेकिए बमोजिमको गुणस्तर भए नभएको पहिचान गर्न प्रत्यक्ष विद्यार्थीकाे सहभागितामा बजारमा नै गई खाद्यवस्तुको नाम, उत्पादन मिति म्याद समाप्त हुने मिति , वस्तुको मिश्रणकाे अबस्था, मुल्य ताैल अवलाेकन गराएको विद्यालयका शिक्षक श्याम तामाङले जानकारी दिनुभयो।
बजार प्रणालीलाई प्रतिस्पर्धी र उपभोक्ताप्रति जिम्मेवार बनाउन प्रचलित कानुनको कार्यान्वयमा जोड दिदै,उपभोक्ता शिक्षासम्बन्धी सचेतना र बजार अनुगमन र उपभोक्ता हित संरक्षणको कुरालाई विशेष प्राथमिकतामा लिइ विद्यार्थी हरुलाई शैक्षिक क्रियाकलापमा सहभागी गराएको विद्यालयका प्रधानाध्यापक बिष्णुहरी ढकालले बताए।