मकवानपुरमा प्रतिनिधि सभामा २ र प्रदेशमा ४ निर्वाचन क्षेत्र (कुन-कुन कँहा परे ?)

मकवानपुर जिल्लामा प्रतिनिधि सभा सदस्यका लागि २ र प्रदेश सभा निर्वाचनका लागि ४ वटा निर्वाचन क्षेत्रको रुपमा निर्धारण गरिएको छ । आयोगले मकवानपुर जिल्लामा १ लाख २९ हजार ६ सय २० जना पुरुष, महिला १ लाख २५ हजार ९ सय ६५ र तेस्रोलिंगी ८ समेत जम्मा मतदाता २ लाख ५५ हजार ५ सय ९३ रहेको जनाएको छ ।   

मकवानपुर जिल्लाको प्रतिनिधि सभा सदस्यको लागि प्रतिनिधि सभा निर्वाचन क्षेत्र नम्बर १ अन्तर्गत हेटौडा उपमहानगरपालिकाको २, ४, ५, ६, ७, ८, ९, १०, १२, १३, १४, १५, १६, १७ र १८ नम्बर वडा वाग्मती गाउँपालिका, बकैया गाउँपालिका, र मकवानपुरगढी गाउँपालिकाको वडा नम्बर १, २, ३ र ४ रहेका छन् । मकवानपुरको प्रतिनिधि सभा सदस्य निर्वाचन क्षेत्र नम्बर १ अन्तर्गत प्रदेश सभा सदस्य निर्वाचन क्षेत्र २ वटा रहेको छन् । जस अन्तर्गत प्रदेश सभा सदस्य निर्वाचन क्षेत्र नम्बर १ मा हेटौडा उपमहानगरपालिका वडा नम्बर १६, १७ र १८, वाग्मती गाउँपालिका, बकैया गाउँपालिका, मकवानपुरगढी गाउँपालिका वडा नम्बर १, २, ३ र ४ रहेका छन् । प्रतिनिधि सभा सदस्य निर्वाचन क्षेत्र नम्बर १ अन्तर्गत प्रदेश सभा सदस्य निर्वाचन क्षेत्र नम्बर २ मा हेटौंडा उपमहानगरपालिकाको वडा नं. २, ४, ५, ६, ७, ८, ९, १०, १२, १३, १४ र १५ नम्बर वडाहरु रहेका छन् ।

प्रतिनिधि सभा सदस्य निर्वाचन क्षेत्र नम्बर २ अन्तर्गत भीमफेदी गाउँपालिका, हेटौडा उपमहानगरपालिका वडा नम्बर १, ३, ११ र १९, इन्द्रसरोवर गाउँपालिका, कैलाश गाउँपालिका, मकवानपुरगढी गाउँपालिकाको वडा नम्बर ५, ६, ७ र ८, मनहरी गाउ“पालिका, राक्सिराङ गाउँपालिका र थाहा नगरपालिका रहको छ । प्रतिनिधि सभा सदस्य निर्वाचन क्षेत्र नम्बर २ अन्तर्गत प्रदेश सभा सदस्य निर्वाचन क्षेत्र २ वटा रहेका छन् । जसमा प्रदेश सभा सदस्य निर्वाचन क्षेत्र नम्बर १ अन्तर्गत थाहा नगरपालिका, इन्द्रसरोवर गाउँपालिका, भीमफेदी गाउँपालिका, हेटौडा उपमहानगरपालिका वडा नम्बर १ र ११, मकवानपुरगढी गाउँपालिका वडा नम्बर ५, ६, ७ र ८ रहेको आयोगले जानकारी दिएको छ । प्रतिनिधि सभा सदस्य निर्वाचन क्षेत्र नम्बर २ अन्तर्गत प्रदेश सभा सदस्य निर्वाचन क्षेत्र नम्बर २ मा कैलाश गाउँपालिका, राक्सिराङ गाउँपालिका, मनहरी गाउँपालिका र हेटौंडा उपमहानगरपालिकाको वडा नम्बर ३ र १९ रहेका छन् ।