मकवानपुरमा निषेधज्ञा एक हप्ता थप्न सिफारिश, असार १ बाट केही खुकुलो (हेर्नुस के खुल्छ, के खुल्दैन)

हेटौँडा, ३० जेठ/मकवानपुरमा असार १ गतेबाट थप १ हप्ता निषेधज्ञा थप हुने भएको छ । आज जिल्ला प्रशासन कार्यालय मकवानपुरमा बसेको कोभिड संकट ब्यवस्थापन केन्द्रको बैठकले प्रमुख जिल्ला अधिकारीलाई एक हप्ता निषेधज्ञा थप्न सिफारिस गरेको हो ।

बैठकले निषेधज्ञाको मोडालिटी भने परिवर्तन हुने निर्णय गरेकोछ । जिल्ला प्रशासन कार्यालय मकवानपुरले दिएको अनुसार असार १ गतेबाट खाद्यन्न, तरकारी, फलफुल, दुग्धजन्य पसलहरु बिहान १० बजेसम्म सञ्चालन हुने छ । यो बाहेक स्टेस्नरी, मोवाईल, अटो, मोटरसाईकल मर्मत सेन्टर पनि बिहान सोहि समयमा सञ्चालन हुनेछन् ।

यसअघि हप्तामा ३ दिनमात्र खुल्ने गरेको बैंकहरु अव प्रत्येक दिन बिहान १० बजेबाट २ बजेसम्म सञ्चालन हुने छ । वित्तिय संस्था र सहकारी पनि खुल्नेछन तर बजारमा पैसा संकलन गर्न भने पाउनेछैन ।

निषेधज्ञामा के खुल्छ, के खुल्दैन ? 

-खाद्यन्न, तरकारी, फलफुल तथा दुग्धजन्य ब्यवसाय बिहान १० बजेसम्म सञ्चालन हुने (प्रत्येक दिन)
-स्टेस्नरी पसल, मोवाईल, अटोमोवाईल मर्मत बिहान ९ बजेसम्म (प्रत्येक दिन)
-बैंक दिनको बिहान १० बाट दिउँसो ३ बजेसम्म सञ्चालन हुने (प्रत्येक दिन)
-वित्तिय सस्था, सहकारी, रेमिट्यान्स दिउँस २ बजेसम्म सञ्चालन हुने (प्रत्येक दिन)
-मार्टहरु पनि दिउँस १० बजेसम्म सञ्चालन हुने (प्रत्येक दिन)
-सहकारीको हकमा बजारबाट रुपैँया संकलन गर्न नपाईने ब्यवस्था गरिएको छ ।