तीन सवारी साधन एकआपसमा ठोक्कियो : तीन जनाको मृत्यु

पुर्ब–पश्चिम राजमार्गमा तीन सवारी साधन एकआपसमा ठोक्किँएर दुर्घटना हुँदा तीन जनाको मृत्यु भएका छन् भने २ जना घाईते भएका छन् । सुनसरीको कोशी गाऊपालिका ८ नङ्खु टोलमा हायस, पिकअप र मोटरसाईकल एकआपसमा ठोक्किँएर दुर्घटना हुँदा ३ जनाको मृत्यु र २ जना घाईते भएका हुन् ।

आईतबार बिहान पुर्बबाट पश्चिमतर्फ जादै गरेको बा ३ ख ७२२४ नम्बरको हायस गाडीले बिपरित दिशाबाट आउदै गरेको स६प ४६६१ नम्बरको मोटरसाईकल र को १ च ९३६८ नम्बरको पिकअप गाडीलाई ठक्कर दिएको थियो ।

सो दुर्घटनाबाट गम्भिर घाईते भएका मोटरसाईकल चालक सप्तरी डाक्नेश्वरी ५ का २८ बर्षीय उदय साह, मोटरसाईकल पछाडी सवार मोरङग बिराटनगर ९ का ४५ बर्षीय राम प्रसाद साह र पिकअप चालक बिराटनगर ७ का ४० बर्षीय अक्षय कुमार गुप्ताको जिल्ला अस्पताल ईनरुवा उपचारको क्रममा मृत्यु भएको १ नम्बर प्रदेश प्रहरी कार्यालय, बिराटनगरले जनाएको छ ।

उक्त दुर्घटनाबाट घाईते भएका हायस चालक नुवाकोट बिदुर नगरपालिका १३ का  ३५ बर्षीय विवस तामाङ् र हायसको सहचालक सोही स्थान ११ का २५ बर्षीय नारायण बत्सयालको बिराट नर्सिङहोममा उपचार भईरहेको छ ।

दुर्घटना भएका तिन वटै सवारी साधन प्रहरीको नियन्त्रणमा रहेको प्रहरीले जनाएको छ ।