मकवानपुरको बागमतीमा तिनदिने रामनवमी मेला सुरु,

१३ चैत २०७९ ,सोमबार
बाग्मती गाउँपालिकाको वडा न. ८ मा ऐतिहासिक रामनवमी मेला तथा रामजानकी मन्दिरको उद्घाटन भएको छ। 
व्यापारीक हिसाबले पुर्बी मकवानपुर बाग्मती गाउँपालिकाको पुरानो बजारको रुपमा चिनेने गरेको,फापरबारी बजार नजिकै रहेको सारथि निकेतन बोर्डिङ स्कुलसंगैको खाली चउरमा मेला भैरहेको छ।  मेलामा विभिन्न राष्ट्रिय  तथा स्थानीय कलाकारहरुको बेजोड सास्कृतिक कार्यक्रम पनि रहेको मेला  ब्यवस्थापन समितिले जानकारी दिएको छ। 
मेलामा मकवानपुर लगायत ललितपुर ,काभ्रे , सिन्धुली ,सर्लाही जिल्लाबाट समेत मेला अवलोकनको लागि आउने गरेका छन। 
 कार्यक्रमको सभाध्यक्ष मेला ब्यवस्थापन समितिको संयोजक तथा जिल्ला समन्वय समिति सदस्य खड्क बहादुर पुलामी तथा प्रमुख अथिती  बाग्मती गाउँपालिका अध्यक्ष सर्केश घलानले मेला उद्घाटन गरे।
मेलामा शुभकामना मन्तव्य राख्दै बाग्मती गाउँपालीकाका अध्यक्ष सर्केस घलानले मेलालाई व्यावसायिक  हिसाबले अगाडि बढाउनु पर्ने तथा मेलालाइ जात्रा जस्तो होइन मेला मेला जस्तो बनाउनु  पर्नेमा जोड दिदै राती भन्दा रामनवमी मेला दिउँसो हुनुपर्ने र बाग्मतीको उद्पादनलाई प्रवर्द्धन गर्नु पर्ने अध्यक्ष घलानले बताउनु भयो।
चैत १३ बाट सुरु भएको मेला तीन  दिन १३ ,१४ र १५ गतेसम्म चल्नेछ ।
कार्यक्रममा विशेष अथितीको रुपमा पालिका उपाध्यक्ष फडिन्द्र तिमल्सिना तथा अथितीहरु  शंकर कुमार पराजुली ,चन्द्र बहादुर राई,भक्त बहादुर राई,नायक आशिष् घलान , वडा न. ६  अध्यक्ष टेक बहादुर डिम्डुङ,१ न. को अध्यक्ष युहन्ना राई,इलाका प्रहरी फापरबारीको प्रहरी सहायक निरीक्षक  विदुर चन्द्र अधिकारी ,वडा न.३ अध्यक्ष कमान सिं पाख्रीन,समाजसेवी क्षितिज राना,जनता माबिका  शिक्षक राम बहादुर थोकर , यादब बराल र चन्द्र थापा लगायतको उपस्थिति रहेको थियो।
रामनवमी मेला उद्घाटन समारोहलाई लिला कुमार आले ले  संचालन गर्नु भएको थियो।