मकवानपुरका न्यौपाने क्रसर व्यवसायी महासंघको अध्यक्ष

मकवानपुरका सिताराम न्यौपाने नेपाल क्रसर तथा खानी उद्योग व्यवसायी महासंघको अध्यक्षमा निर्वाचित भएका छन् ।
भीमफेदी गाउँपालिका–१ स्थित सगरमाथा क्रसर उद्योगका संचालक तथा हेटौंडा–५ निवासी न्यौपाने महासंघको बुटबलमा १६ र १७ माघमा भएको दोस्रो महाधिवेशनबाट अध्यक्षमा निर्वाचित भएका हुन् ।
अधिवेशनमा ललितपुरका क्रसर व्यवसायी किरण थापालाई १२ मतले पराजित गर्दै न्यौपाने आगामी कार्यकालका लागि अध्यक्षमा निर्वाचित भएका हुन् । न्यौपानेले कुल ६० मत प्राप्त गरेका थिए ।
उनको प्रतिद्वन्द्वी थापाले ४८ मत मात्र पाए । निर्वाचनबाट सदस्यहरुमा बेचन शर्मा ठाकुर, केदार गिरी, अमर बिक्रम शाह, सरोज कुँबर, विकास नारायण श्रेष्ठ, शंकर न्यौपाने र शारदाप्रसाद ढकाल निर्वाचित भएका छन् ।
महासंघको वरिष्ठ उपाध्यक्षमा श्यामराज खडका, प्रदेश १ को उपाध्यक्षमा देवराज तामाङ, प्रदेश २ मा प्रदिप कुमार खड्का, बागमती प्रदेशमा देवराज लुईटेल, गण्डकी प्रदेशमा लिलाधर बराल, लुम्बिनी प्रदेशमा चन्द्रमणी अधिकारी निर्वाचित भएका छन् ।
महासंघको महासचिवमा पुरुषोत्तम रेग्मी, सचिवमा रोशनराज गिरी, सहसचिवमा मिन बहादुर शाहि, कोषाध्यक्षमा यामबहादुर मल्ल र सहकोषाध्यक्षमा बिकल्प हमाल निर्विरोध निर्वाचित भएका थिए ।