बुद्ध जयन्तीको अबसरमा ऋषेश्वरमा मेला लाग्ने।

भोलि बैशाख ३० गते हुन गइरहेको आम निर्वाचन तयारीको निम्ति समाजका अन्य ब्यक्तिहरु अत्यन्त व्यस्त भैरहदा थाहा नगरपालिका वडा नं.४ दामन-सिमभन्ज्याङ्का समाजसेवी,पर्यटन व्यवसायी अनि पर्यटन प्रबर्द्धक दावा शेर्पाको समूह भने जेठ २ गते परेको बुद्ध जयन्ती पर्वलाई व्यवस्थित र भव्य तरिकाले मनाउन लागी परेका छन् । 

दामन स्थित  एभरेष्ट युवा बिकास क्लबको पहलमा २०७६ साल देखि  मनाउन सुरु गरिएको बुद्ध पुर्णिमा मेलाले स्थायित्व पाए संगै बुद्ध जयन्तीको दिनमा  दामन स्थित ऋषेस्वर गुम्बा परिसरमा मेला लाग्ने परम्परा चलेको छ। पहिलोपटक २०७६ जेठ ४ गतेको दिनदेखि मनाउन सुरु गरिएको  बुद्ध जयन्ती उत्सवमा स्थानीयहरुको उल्लेखनीय उपस्तिथि रहेको थियो भने त्यहीका लामा प्रमुखबाट  पुजापाठ गरि बौद्ध धर्म दर्शन र बुद्धको जिवनी बारे  ज्ञानको प्रवचन दिईएको थियो। 

२०७७ अनि ७८ मा  कोरोना महामारीको कारण ॠषेस्वर मन्दिर परिसरमा लाग्ने बुद्ध जयन्ती मेला स्थगित नै भएको थियो तरपनी धार्मिक आस्था भएका स्थानीय तिर्थालुहरुलाई भने  कोरोनाले छेक्न सकेन,बरु पुजापाठ गरि कोरोना महामारी अन्त्यस्टिको लागि प्रार्थना गरे। २०७६ देखि महामारीको रुपमा  फैलिएको कोरोना भाइरस विरुद्धको उपचारको त्यो समयसम्म  कुनै समाधान  थिएन,त्यसैले मृत्युको डरले प्रताडित मनुष्यहरुको एउटै मात्र सारथि थियो,बिश्वास थियो भगवान। भगवान भरोसाकै कारण ऋषेस्वर महादेवको कृपाले हाम्रो थाहामा कोरोनाले खासै मानव बिनास गर्न सकेन।

धार्मिक पर्यटनलाई प्रबर्द्धन गर्ने र आफ्नो धर्म,संस्कारको  सम्बर्द्धन गर्ने एकमात्र प्रमुख उद्देश्यका साथ बुद्ध जयन्ती मेला संचालन गर्ने प्रथाको प्रारम्भ गरिएको पर्यटन प्रबर्द्धक अनि  एभरेष्ट युवा बिकास क्लबको महासचिव समेत रहेका शेर्पाको भनाई रहेको छ। प्रख्यात  ऋषेस्वर महादेवको पुण्य भुमिमा वर्षेनि एकादशी र भागु पुर्णिमाको दिनमा मात्र  भब्य मेला लाग्ने गरेकोमा अबको दिनहरूमा बुद्ध पुर्णिमा,महाशिवरात्री,साउने व्रत,सोनाम ल्होसार जस्ता ईत्यादी  पर्वहरुले पनि स्थान पाएमा समस्त थाहा नगरलाई धार्मिक पर्यटकीयमय बनाउन सकिने भन्दै बुद्ध जयन्ती मेलालाई व्यवस्थित अनि भब्य तरिकाले मनाउन  माछामासु र मदिराजन्य बस्तुहरु स्टलमा नबेच्न हुन पनि अनुरोध गर्दै सबैलाई स्वागत गरिएको छ।