बालमैत्री घोषणा गर्न दावी गरिएका थाहाका दुई वडाको अनुगमन

थाहा नगरपालिका
वडालाई बालमैत्री घोषणा गर्न योग्य रहेको दावी गरिएका थाहा नगरपालिकाको दुई वडाको जिल्ला समन्वय समिति मकवानपुरको टोलीले अनुगमन गरेको छ ।
अनुगमन गर्ने जिम्मेवारी पाएको जिल्ला समन्वय समिति मकवानपुरको टोलीले आईतबार थाहा नगरपालिकाको वडा न. १ र वडा न.३ को अनुगमन गरिएको हो।
जिल्ला समन्वय समिति मकवानपुरका प्रमुख ललित घलान,उपप्रमुख सानुकाजी लुइँटेल,जिल्ला स्वास्थ्य कार्यालय मकवानपुरका जनस्वास्थ्य अधिकृत लक्ष्मण घिमिरे,शिक्षा समन्वय इकाइका प्रमुख सुदिप गिरी,थाहा नगरपालिकाका प्रमुख प्रशासकीय अधिकृत सुरेन्द्र प्रधान,ईलाका प्रहरी कार्यालय पालुङका प्रमुख प्रहरी निरिक्षक सविन बाबू अर्याल,नेपाल पत्रकार महासंघ मकवानपुरकाका उपाध्यक्ष धुर्व अधिकारी,मकवानपुर उद्योग वाणिज्य संघका प्रतिनिधि प्रदिप अर्याल,जिल्ला समन्वय समिती मकवानपुरका सदस्य सुवर्ण गोपाली,तारा ढुंगाना लगायतको टोलीले स्थलगत अवलोकन साथै सरोकारवालासंग छलफल पनि गरेको छ ।

अनुगमन पछिको छलफलमा अनुगमन टोलीका सदस्यहरुले राखेको जिज्ञासाको जवाफ दिदै थाहा नगरपालिका सामाजिक बिकास शाखा प्रमुख तथा बालमैत्री वडा घोषणा फोकल पर्सन अनिल लामिछानेले ले वडा भित्र बाल मैत्री वडाको सुचक प्राप्तीको तयारीको चरण,पूर्व तयारीको चरण,निति तथा योजना तर्जुमा र कार्यन्वयनको चरण, अनुगमन मूल्याङन र प्रतिवेदन चरण तथा बालमैत्री स्थानिय तह घोषणा र दिगोपनाका चरण पुरा गरेको बताउनु भयो ।
टोल–टोलमा पुगेर सुचक प्राप्तीको लागि काम गतिविधि गरेको बताउनु भयो ।
अनुगमन गर्ने निकाय जिल्ला समन्वय समिति मकवानपुरको प्रमुख घलानको अध्यक्षतामा अब बस्ने बैठकले वालमैत्री वडा घोषणाको दावी गरिएको सूचक र स्थलगत अनुगमन सबैलाई अध्ययन गरी थाहाको वडा न १र वडा न ३ लाई अनुमति दिने नदिने निर्णय गर्ने छ।
छलफल कार्यक्रम वडा न १ मा कार्यवाहक अध्यक्ष सरोज प्रधान र ३ मा वडा अध्यक्ष हिरेन्द्रकुमार रायमाझीको अध्यक्षतामा भएको थियो।