बागेश्वरी कृषि सहकारीको साधारणसभा सम्पन्न,उत्कृष्ट कारोबारीलाई मल उपहार

थाहा नगरपालिकाको वडा न ३ मा रहेको बागेश्वरी कृषि सहकारी संस्थाको १० औं वार्षिक साधारणसभा सम्पन्न भएको छ।
संस्थाका अध्यक्ष दिनेश बिष्टको अध्यक्षता तथा वडा न ३ का वडा अध्यक्ष हिरेन्द्र कुमार रायमाझीको प्रमुख आतिथ्यतामा संस्थाको प्रागणमा सम्पन्न साधारणसभामा थाहा नगरपालिका कृषि शाखा प्रमुख सन्जय तिवारीको विशिष्ट आतिथ्यता रहेको थियो।
साधारणसभामा पालुङ बहुउद्देश्यीय सहकारी संस्थाका अध्यक्ष कृष्ण बहादुर बिष्ट,लेखा परिक्षक बिमल कुमार बिष्टको आथिथ्यता रहेको थियो।
संस्थाको वार्षिक प्रतिवेदन प्रस्तुत गर्दै अध्यक्ष बिष्टले संस्थाको १० औं साधारणसभा सम्म आइपुग्दा संस्थाको उद्देश्य र मुख्य लक्ष्य भनेको संस्थाको सदस्यहरुलाई आधुनिक खेतीमा जोड दिनु रहेको उल्यख गर्दै प्रविधी र बिषयबिज्ञ हरु संग सद्स्स्यलाइ जोड्नु रहेको प्रतिवेदन प्रस्तुत गरे।
अध्यक्ष बिष्टले सहकारी बाट प्रत्यक्ष निगरानीमा रहेका खेती ९० प्रतिशत सम्म सफल देखिएको बताउदै कारोवार बढ्दै गैरहेको प्रतिवेदन प्रस्तुत गरे।
साधारणसभामा संस्थाका सचिव लक्ष्मण बिष्ट " बिर्खे अन्जान" ले सचिवको प्रतिवेदन प्रस्तुत गर्दै 
हाल संस्थाको कारोबार ३९ लाख पुगेको बताए।
कार्यक्रममा संस्थामा उत्कृष्ट कारोबार गर्ने हरु बचत तर्फ कमला गोले,कर्जा तर्फ जितेन्द्र कुमार,समूह बचत तर्फ लक्ष्मी गोपाली लाई नगद तथा प्रसंसापत्र सहित सम्मान गरियो भने संस्था संग बीउ बिजन,मल खाद गरि उत्कृष्ट भएका ३ जना सदस्यलाई पनि सम्मानित गरिएको थियो सम्मानित भएका पशुपति बिष्ट,भवानी बिष्ट,र लक्ष्मी बिष्टलाई एक,एक बोरा युरिया मल,नगद तथा सम्मानपत्र प्रदान गरिएको थियो।
साधारणसभामा प्रमुख अतिथी वडा अध्यक्ष हिरेन्द्र कुमार रायमाझी,विशिष्ट अतिथी कृषि शाखा प्रमुख सन्जय तिवारी,पालुङ बहुउद्देश्यीय सहकारीका अध्यक्ष कृष्ण बहादुर बिष्ट,लेखा परिक्षक बिमल कुमार बिष्टले संस्थाको सफलता सहितको शुभकामना दिएका थिए।