बन जंगल क्षेत्रमा उद्यमशीलता बिकास गर्नुपर्छ:-काङ्ग्रेस नेतृ डिना

नेपाली काङ्ग्रेसका सह महामन्त्री तथा पुर्व जलश्रोत राज्यमन्त्री महालक्ष्मी उपाध्याय डिनाले वन क्षेत्रमा उद्यमशीलता विकास गर्नुपर्ने बताउनुभएको छ । 
सामुदायिक बन उपभोक्ता महासंघ थाहा नगरपालिकाले आयोजना गरेको स्वागत तथा सम्मान कार्यक्रममा उपाध्यायले बन उद्यममा जोड दिनुभएको हो।
वहाँले मकवानपुरको बन जंगलको माटो जडिबुटी खेतीको लागि उत्तम रहेको बताउदै सामुदायिक बन महासंघले एकीकृत बिकासको रुपमा लैजान सुझाब दिनुभयो।
पछिल्ला वर्षमा वन केन्द्रित दिगो विकासका प्रयास भएका छन्,” उहाँले भन्नुभयो, “वन क्षेत्रको संरक्षण सम्वर्धन, र दिगो व्यवस्थापनका लागि समन्वय जरुरी छ । नीतिगत सुधार, नविन प्रविधिको प्रयोग गर्दै नेपालको हरियो वन नेपालको धन बनाउन सकेमा थाहा नगरको आर्थिक समृद्धिमा  वन क्षेत्रको भूमिका महत्त्वपूर्ण हुने छ ।”
उपाध्यायले वन क्षेत्रको विकास र संक्षरण तथा सम्वर्धन गर्दै वनबाट रोजगारी बढाउन महासंघले  महत्त्वपूर्ण भुमिका खेल्नुपर्ने बताउनुभयो । 
सामुदायिक बन उपभोक्ता महासंघ थाहा नगर अध्यक्ष गणेशमान श्रेष्ठको अध्यक्षतामा सम्पन्न कार्यक्रममा थाहा नगरपालिका वडा न १ भित्र रहेको सामुदायिक बनमा रिचार्ज पोखरी निर्माण गर्न सांसद बिकास कोष बाट बजेट उपलब्ध गराइएकोमा प्रदेश सांसद लक्ष्मी श्रेष्ठ र बजेटको लागि पहलगरिदिएकोमा काङ्ग्रेस सहामहामन्त्री महालक्ष्मी उपाध्याय डिना लाई सम्मान पत्र सहित सम्मान गरिएको थियो भने थाहा नगरपालिकामा प्रमुख प्रशासकिय अधिकृतको रुपमा आउनुभएका सुरेन्द्र प्रधानलाई स्वागत गरिएको थियो।
कार्यक्रममा सांसद लक्ष्मी श्रेष्ठ,थाहा नगरपालिकाका उपप्रमुख भरत गोपाली,वडा न १२ का अध्यक्ष टिकाराम स्याङ्तान,हेटौंडा क्याम्पसका अध्यक्ष आनन्दराम पराजुली,परिवार नियोजन संघका जिल्ला अध्यक्ष ईश्वर पण्डित,थाहा नगरपालिका सामाजिक बिकास शाखा प्रमुख अनिल लामिछाने,ईलाका प्रहरी कार्यालय पालुङका प्रमुख सविन बाबू अर्याल,थाहा नगरका पुर्व उपप्रमुख खड्गबहादुर गोपाली,सामुदायिक बनका पदाधिकारी हरुको उपस्थिति रहेको थियो।