बजार अनुगमनको क्रममा बरामद म्याद गुज्रिएको सामाग्री नष्ट

थाहा नगरपालिकाको बजार अनुगमन समितिले   विभिन्न समयमा गरिएको  बजार अनुगमन कार्यबाट बरामद  एक लाख बढि मूल्यका दैनिक उपभोग्य सामान नष्ट गरिएको छ। उपभोक्ताले प्रयोगका लागि हितकर नदेखिएको उपभोग्य सामग्री थाहा नगरपालिका उपभोक्ता हित संरक्षण समितिको निर्णय अनुसार नष्ट गर्ने निर्णय गरेको हो।

अनुगमन टोलीका संयोजक तथा थाहा नगरपालिकाका उपप्रमुख भरत गोपालीले बजार अनुगमन कार्यलाई प्रभावकारी बनाउन आवश्यक रहेको बताउँदै अब एक्सनमै जानुपर्ने अवस्था आएको बताए।

समितिले एक लाख मूल्य बराबरका विभिन्न सामग्री बरामद गर्दै नष्ट गर्ने कार्य गरेको छ।
अनुगमनका क्रममा म्याद गुज्रिएको खाने तेल,पेय पदार्थ,कस्मेटिक सामाग्री,चकलेट,मसला,लगायत दैनिक उपभोग्य सामाग्री बरामद गरिएको थियो।
बरामद सामाग्रीलाई नगर प्रहरी,नगर प्रमुख,उपप्रमुख थाहा ३ का वडा अध्यक्ष हिरेन्द्र रायमाझी,प्रमुख प्रशासकिय अधिकृत कृष्ण गिरी,प्रशासन महाशाखा प्रमुख नवीन खालिङ,बजार अनुगमन समिती सदस्य हरु अनिल लामिछाने,उमेश श्रेष्ठ र संचारकर्मीको रोहवरमा नष्ट गरिएको हो।
 थाहा नगरपालिकाले उपभोक्ता हरुको हितको लागि विभिन्न समयमा नगरपालिकाको मुख्य बजार अनुगमन गर्दै आइरहेको छ।