फारम भराएकाले पुर्जावाला जग्ग्गा पाउने आशा !

थाहा नगरपालिकाको वडा नं.३ र ४ ले एकैसाथ बैशाख १२ गतेदेखि भुमी सम्बन्धि समस्या समाधान आयोग २०७६ ले तोकेको मापदण्ड अनुसार अव्यवस्थित बसोबासी,सुकुम्बासी र दलित सुकुम्बासीहरुको नाममा भराईदै आएको फारमको थप अवधी हिजोबाट समाप्त भएको छ। अन्तिम समयावधि २०७८ असार ३१ सम्म् तोकिएको भए तापनि केही छुटपुट सेवाग्राहीहरुको अनुरोध अनुसार २०७८ साउन ०३ सम्म मात्र फारम भर्ने म्याद थपिएको थियो। कोरोना महामारीको कारण बिचमा काम रोकिएको थियो।

थाहा ३ को लगत संकलनकर्ता सन्जु परियारको  थाहा ३ मा जम्मा ९१ जना ले अब्यबस्थित बसोबासिको फारम भराएका छन् भने वडा नं.४ को लगत संकलनकर्ता दावा शेर्पाका अनुसार १३३ जना अव्यवस्थित,२१ जना सुकुम्बासी र २ जना दलित सुकुम्बासीले फारम भराई अवसरको सदुपयोग गरेका छन् ।संकलित तथ्यांकको अनुसार सबैभन्दा धेरै अव्यवस्थित र सुकुम्बासी समस्या वडा नं.४ को टोलहरु फापरबारी,ठुलोमाखु,नारायणझ्याउ,दामन र सिमभन्ज्याङ्मा देखिएको छ।

बि.सं.२०२८ सालमा भएको नापी पश्चात् जिल्ला भुमी सुधार आयोग मकवानपुर पुर्ण अवस्थामा  निष्क्रिय रहेको थियो। त्यसैले पनि ५० वर्षको अन्तरालमा अत्यधिक संख्यामा भुमी सम्बन्धि समस्या भएकाहरूको उल्लेख्य वृद्धि भएको यसै तथ्यांकले देखाएको छ। बिगतमा गठित विभिन्न आयोगहरुद्वारा सुकुम्बासी प्रमाणित भएका परिवारहरुले  हालसम्म राहत नपाएको र साथै पुर्जावाला जग्गाहरुको समेत सहि अद्यावधिक राख्न छुटाएको  पनि यसै तथ्यांकले स्पस्ट पारेको छ।

तर यस पटक २०७६ माघ २८ गते गठन भएको भुमी सम्बन्धि समस्या समाधान आयोगले सबैको समस्या समाधान गरिदिनेमा भुमी  पीडितहरु आशावादी रहेका छन् ।