प्रारम्भिक बाल बिकास कार्यक्रम लागि टोल भेला

स्वस्थ बालबालिका नै राष्ट्रका भबिस्य हुन् भन्ने नारालाई कार्यक्रमको आधार मान्दै आज भदौ ४ गते शुक्रबारको दिन थाहा-३ स्थित बिकास घरमा बालबालिका सपना परियोजना  अन्तर्गत प्रारम्भिक बाल बिकासको  अभिमुखिकरण कार्यक्रम सम्पन्न भएको छ।   प्लान इन्टरनेसनल नेपाल र एकीकृत ग्रामिण बिकास सेवा हेटौंडा मकवानपुरको आयोजनामा सम्पन्न भएको सो कार्यक्रममा पालुङ स्वास्थ चौकी र दामन शहरी स्वास्थ केन्द्रका कर्मचारीहरुले कार्यक्रम प्रस्तुत गरेका थिए।

प्रस्तोता पुनम पाख्रीनले प्रारम्भिक बाल बिकासको निम्ति सुनौलो हजार दिनहरुले शिशुहरुको सर्वाङ्गिण शारीरिक तथा मानसिक बिकासको लागि अहम् भुमिका निर्वाह गर्ने बताए। त्यसै गरि २ वर्षको अवधिमा बच्चाहरुको ८०५ दिमागी वृद्धि-बिकास हुने भएकोले अत्यावश्यकिय पौस्टिक तत्वहरु खुवाउनुपर्ने बताए अनि नवजात शिशुहरुले कालो-सेतो मात्र रङको पहिचान गर्न सक्ने र इन्द्रियहरुको राम्रो बिकासको निम्ति  थरीथरीका  खाना,रंग,आवाज,स्पर्स अनुभव र गन्धको पनि अनुभव गराउदै हुर्काउदा शिशुहरु अझ स्वस्थ हुने रहस्य खुलाए।

कार्यक्रमका  अतिथी जनकल्याण मा.बि.का प्रधानाध्यापक सानुभाई कार्किले मान्छेको जीवन गर्भावस्था देखिनै सुरु हुने र मर्णोपरान्त सम्म पनि शारीरिक परिवर्तन हुने अनि नयाँ कुराहरु सिक्ने हुनाले बच्चाहरुको शारीरिक ,मानसिक र  चेतना बिकासको निम्ति अभिभावकहरुको प्रमुख दायित्व हुने बताए साथै बच्चा जन्माउने उ्चित उमेर पुगेपछि मात्र सन्तानको योजना बनाउदा बुद्धिमानी हुने उक्त अभिमुखिकरण कार्यक्रमले शिक्षा दिएको बताए।

त्यसैगरी कार्यक्रमका बिशेष अतिथी थाहा-३ का अध्यक्ष  तथा सभापति राजेश  केसीले स्वस्थ बालबालिकाहरुले नै राम्रो शिक्षा ग्रहण गर्न सक्ने र जुन घरमा बच्चाहरुलाई स्वस्थ वातावरणमा हुर्काईन्छ त्यस्ता बालबालिकाहरु नै दिर्घजिबी र बुद्धिमानी हुने बताए।। कार्यक्रममा पालुङ स्वास्थ्य चौकीका प्रमुख शक्ति चौरासिया र बाल कुमारी ढकाल,वडा सचिब पाल्साङ लामा,जनप्रतिनिधिहरु,वडा नं.३ र ४ का बजार ब्यबस्थापनका पदाधिकारीहरु, राजनीतिक दलका प्रतिनिधिहरु र थाहापाटिको संचारकर्मीहरुको  सहभागिता रहेको थियो।।